6 Marsi, Berisha: Kandidati i demokratëve për Bashkinë Lushnje është Elton Bano

Kandidati i demokratëve për bashkinë e Lushnjes është Elton Bano! Kështu u shpreh lideri historik i PD me rastin e prezantimit të kandidatit të koalicionit “Shtëpia e lirisë” për kryetar të Bashkisë Lushnje duke shtuar se vendi ndodhet në moment kritik dhe duhet ndryshim me votë, duke nisur nga 6 marsi. 

“Unë e kam të lehtë t’u them se midis Elton Banos dhe përfaqësueses së PS apo Lul Bravës është dallimi si nata me ditën. Mund t’ju numëroj këtu të gjitha aktet korruptive, vjedhjet e Bashkisë së Lushnjers, kryetarit e nënkrytarit, por çështja është më e madhe, është për mbarë kombin dhe Shqipërinë. Lushnja duhet të jetë në krye të kësaj përpjekje për ndryshimin. Cili është premtimi ynë? 

Ndryshimi është premtimi ynë. Ju garantoj që biri juaj që doli me një procedurë të lirisë, me primare, nuk është propozuar nga askush nga sipër, por e kanë propozuar lushnjarët, demokratët e Lushnjes, dhe në votimet e tjera bashkë me ta do të votojnë edhe qytetarët e Lushnjes. Nëse duam ndryshimin duhet të garantojmë lirinë. Liria është eliksiri i ndryshimit dhe ne do të vazhdojmë,” tha Sali Berisha duke renditur premtimet dhe dështimet e Edi Ramës ndërsa u zotua për zgjerimin e lirive qytetare:

“Do të bëjmë gjithçka të zgjerojmë liritë tuaja, liritë ekonomike. Edi Rama erdhi në pushtet, si sot e mbaj mend, në atë kohë ju e dini, ne përpiqemi dhe ndërtuam jo pak rrugë rurale, ndërtuam unazën e Myzeqesë, një seri rrugë, dhe ai premton, do të ndërtoj rrugët e ngastrave thotë. E keni në filmim. Ato mund të bëheshin me rërë bituminozese dhe mendova se do ta bënte. Ai jo vetëm që nuk e bëri, por shkatërroi edhe rrugët ekzistuese. Sepse ai mendon për veten e tij. Një moment kritik është ky për vendin”. 

Ndëra vetë Elton Bano duke falënderuar për besimin tha se e duam Lushnjen tonë dhe na dhemb gjendja ku është katandisur sot.

“I nderuar Doktor Berisha, të nderuar zonja dhe zotërinj, miq dhe dashamirës të qytetit. Ju falënderoi për besimin dhe votën tuaj për kandidimin tuaj për kandidat të Bashkisësë Lushnjes në zgjedhjet e 6 marsit. Primaret ishin një proces i rralë dhe mbreslënës, transparent dhe gjithë përfshirës.

Anëtarët e PD-së Lushnje dhe të 5 bashkive të tjera vendosën një standart të ri në zgjedhjen e përfaqësuasit të tyre që tejkaloj ndikimin jo vetëm në forcën tonë politike. Procesi vendimarrës i anëtarësisë që ne kryem, tregon konceptin tonë të drejtimit të pushtetit tonë nesër. Sikurse është fundi i asaj që u bë një praktikë e zakonshme nga uzurpuesit e sotëm të vulës për shumë vite me radhë,” tha kandidiati i Shtëpisë së lirisë për kryetar të Bashkisë Lushnje, Elton Bano, duke përfunduar:

“Të nderuar qytetarë, e duam Lushnjen tonë dhe na dhemb gjendja ku është katandisur sot.”