613 kg kokainë/ Çekaj akuzon Prokurorin: Jam në burg se jam nga Tropoja!
Pasi e kallëzoi prokurorin e SPAK, Edvin Kondili, me pretendimin se ka manipuluar provat gjatë hetimit, porositësi i konteinerit me banane ku u sekuestruan 613 kg kokainë, dhe Administratori i Arbi-Garden, Arbër Çekaj, tha se është në burg sepse është nga Tropoja.
Seanca nisi me debate ndërsa Çekaj ka hedhur akuza për prokurorin Edvin Kondili:
“Prokurori ka manipuluar provat. Unë jam brenda se jam nga Tropoja. Edvin Kondili e ka personale me familjen time. Ai më poshtëroi babain duke hapur me dhunë kontejnerin. Unë s’kam asnjë problem me Kondilin. Ky zotëri trafikantit nga Vlora konteineret ja la deri ne fund dhe i humbi orizi. S’kam asnjë problem me vlonjatet, por grupet kriminale vazhdojnë trafikun e unë në burg,” tha njeriu në konteinerin e të cili u kapën 613 kg kokainë ndërsa prokurori Kondili u përgjigj:
“S’me trembin kërcënimet. Zotëri ndiq procesin dhe prit vendimi e bazuar në prova, kërko pafajësi po do.”
Ndryshe, Gjykata e Posaçme Antikorrupsion ka rrëzuar kërkesën e avokatit Maks Haxhia për pezullimin e procesit për Arbër Çekajn, derisa të shprehet KLP për largimin e prokurorit Kondili.
