8 Dhjetori, Edi Rama: 30 vjet janë shumë…
Në 30 vjetorin e Lëvizjes së Dhjetorit, sot kur është e qartë se pse pedagogu i asaj kohe dhe kryetari i sotëm i pasardhëses së PPSH, Edi Rama shkoi në mesin e studentëve, ai e cilëson kohë e kalimit nga një diktaturë ekstreme, në një demokracie funksionale:
“30 vjet janë shumë në rrugën e një njeriu, por jo edhe aq në rrugën e historisë së një vendi e sidomos kur kjo është koha e kalimit nga një diktaturë ekstreme, në një demokraci funksionale,” thekson Kryeministri Edi Rama në mesazhin e tij përmes rrjetit social Facebook duke e ngatërruar diktaturën funksionale që ka instaluar me demokracinë funskionale.
Mesazhi:
30 VJET janë shumë në rrugën e një njeriu, por jo edhe aq në rrugën e historisë së një vendi e sidomos kur kjo është koha e kalimit nga një diktaturë ekstreme, në një demokraci funksionale.
Bëhen plot 30 VJET sot nga dita, apo më saktë mbrëmja e daljes së studentëve në rrugën pa kthim të daljes prej diktaturës.
Vite të jashtëzakonshme në jetën e shoqërisë sonë dhe një privilegj i jashtëzakonshëm të qenurit pjesë aktive e përpjekjeve përgjatë kësaj rruge, së bashku me nderin e madh të udhëheqjes së vendit në 7 vitet e fundit, pavarësisht thinjave të shtuara me një shpejtësi marramendëse në këto vite.
