8 Marsi, gratë dhe vajzat marshim në Tiranë: Mos ma prek lirinë!

Sot në Ditën Ndërkombëtare të Gruas u mbajtë në Tiranë marshimi tradicional i 8 Marsit me moton “Nuk është krim pasioni, është Femicid”.

Marshim i grave dhe vajzave në Tiranë fillimisht nisi në zonën e ish-Bllokut për tu ndalur më pas përpara Kryeministrisë ndërsa u vu re edhe një pjesëmarrje e konsiderueshme e burrave.

“Nuk është krim pasioni, është Femicid”, “Mos ma prek lirinë”, “Kjo jetë është e jona, nuk e falim, nuk lejojmë të na ndalin”, ishin disa prej pankartave që mbanin në duar pjesëmarrëset e këtij marshimi ku theksin e kishin në krimet e kryera ndaj grave, ku shumica prej tyre nuk janë krime pasioni siç cilësohen, por raste femicidi.

Ndryshe, Dita Ndërkombëtare e Gruas, 8 marsi festohet sot në të gjithë botën, për të nderuar dhe respektuar figurën e gruas. Fillimisht, 8 marsi u shënua në Shtetet e Bashkuara, ndërsa sot protestohet dhe festohet në shumë vende të botës!