8 Marsi në Tiranë, gratë protestojnë: E kthejmë shtypjen në fuqi!

Përkundër propagandës qeveritare për të drejtat e grave dhe mburrjes së Kryeministrit Edi Rama me një qeveri me 50% femra, sot më 8 mars, gratë dhe vajzat shqiptare kanë protestuar në Tiranë duke kërkuar më shumë të drejta.

Me moton “E kthejmë shtypjen në fuqi” sot vajzat dhe gratë shqiptare kanë protestuar në Tiranë kundër diskriminimit që iu bëhet.

Në këtë protestë, e cila u zhvillua në Ditën Ndërkombëtare të Gruas, të pranishëm ishin dhe meshkujt që kërkuan nga institucionet të marrin masa ndaj dhunuesve pasi shumë gra janë vrarë dhe pse kishin mbrojtje nga shteti.

Gratë dhe vajzat marshimin e tyre e nisën nga Drejtoria e Policisë për të për të përfunduar me një protestë para Kryeministrisë.