A do të kandidojë për Kryebashkiak të Tiranës? Ja si përgjigjet Dash Shehi…

Dash Shehi kandidat për kryetar Bashkie në Tiranë? Kjo ishte një nga pyetjet që i’u bë deputetit të djathtë në emisionin “5 pyetje nga Babaramo”.

“Jam katër vjet më i madh. Kjo është një temë ku nuk është momenti për ta gjykuar tani, por nuk është momenti, por do ta diskutojmë… Unë gjykoj që në radhët e opozitës mund të ketë të rinj më energjikë sesa unë. Duhet të bëhemi gati që të votohet me ligje të tjera, ndarja territoriale është penalizuese. Kam insistuar që të bëhej edhe opozita pjesë e ndarjes territoriale, u gabua që nuk mori pjesë”, tha deputeti Shehi.

Më tej ai trajtoi edhe disa tema të aktualitetit politik.

“Ligj i ri zgjedhor dhe reformë në drejtësi në një shtrat të ri kushtetues”. Kjo është zgjidhja sipas Dashamir Shehit për situatën aktuale që po kalon vendi, kur gjyqësori është futur në kolaps, pas të larguarve nga Vettingu, ndërsa ligji për Magjistraturën u shty për në shtator në mungesë të konsensusit të opozitës.

Dashamir Shehi e cilësoi prioritare reformën elektorale. Ai tha se sistemi aktual nuk garanton votën dhe përfaqësimin e qytetarëve.

Duhet të ketë një element mazhoritar, ose listë të hapur, ose një deputetësh prej 70 ose 100 në mazhoritar.

I pyetur për skenarin e shumë diskutuar në qarqet mediatike, atë të një bashkëqeverisje PD-PS për integrimin në BE, Shehi thotë se kjo do zhdukte opozitën dhe do thellonte korrupsionin.

Nuk ka nevojë për qeveri të përbashkët, ato bien në korrupsion, zhdukin opozitën. Ajo që për të cilën kemi nevojë, është një platformë për integrimin. Qeveria duhet të bëjë ato punë që duhen bërë, sikur kjo qeveri t’i kishte bërë ato punë, sot do kishim marrë statusin kandidat.

Unë përfaqësoj një parti shumë të vogël, nuk është se imponoj unë zërin opozitar, por s’kam qenë kurrë pro kësaj ideje. Për mua është një zgjedhje pavlerë. Mjafton një platformë e përbashkët për integrimin europian, deri në dhjetorin e vitit të vjen, ku të binim dakord për sistemin e drejtësisë, kemi përpara një ligj zgjedhor që na e ka vënë si kusht europa.