A do të nënshkruhet në korrik marrëveshja e detit mes Shqipërisë dhe Greqisë? Ja ç´thotë…

Muajin e ardhshëm Shqipëria dhe Greqia mund të firmosin marrëveshjen e kufirit detar mes dy vendeve. Kjo të paktën sipas ministrit të Jashtëm grek, Nikos Kotzias, i cili gjatë nënshkrimit të marrëveshjes për emrin me Maqedoninë, u shpreh optimist për arritjen e një tjetër marrëveshjeje me Shqipërisë.

“Muajin e ardhshëm do të kemi zhvillime pozitive edhe më Shqipërinë”, tha Kotzias.

Tirana zyrtare nuk ka dhënë ndonjë reagim lidhur më këtë pohim të kryediplomatit grek.

Kryeministri Edi Rama, pak ditë më parë pati një takim me Presidentin Ilir Meta, ku ndër të tjera është diskutuar lidhur me dhënien e plotfuqishmërisë për të përmbyllur kështu një proces negocimi që ka zgjatur për muaj të tërë.