A u qetësuat o shqiptarë! Iku Kiço Londo, e pastaj…

Kaluan 24 orë dhe shqiptarët nuk po e marrin dot veten se si u largua nga detyra Drejtori i Teatrit Eksperimental “Kujtim Spahivogli”, Kiço Londo dhe vendin e tij e zuri Altin Basha.

Ndoshta për një vend normal edhe mund të ishte shqetësim pse u largua Kiço Londo, por nëse shohim mënyrën se si ai erdhi në këtë post, dhe si vetëm për arsye politike i zuri vendin Drejtorit të larguar, Kastriot Çipi, atëherë i gjithë ky shqetësim për largimin e Londos është absurd.

Po ti shohim Vendimet e Këshillit të Ministrave për largimin e Kastriot Çipit dhe Kiço Londos janë të ngjashme si dy pika uji, vetëm se ndryshon emri dhe fakti se Kiço si komunist i radhëve të para, ngeli i tillë si në art ashtu dhe kulturë.

A mund të jetë problem largimi i tij?! Patjetër, por vetëm problem rilindas dhe i Edi Ramës!

Ndërkohë gjithë ata lotë krokodili të demokratëve për largimin e Kiço Londos nuk është hipokrizi por idiotizëm i llojit të vet, që rrezikon dhe devijimin e thelbit të luftës politike të Partisë Demokratike për të larguar këtë bandë kriminale nga pushteti.

Kiço Londo apo Altin Basha, pak rëndësi ka, kjo nuk ka të bëjë me artin dhe kulturën ashtu siç nuk kishte të bënte as largimi i Kastriot Çipit.

Qetësohuni o shqiptarë! Kiço Londo luftoi për Edi Ramën, Kryeministër, dhe ai kupton më mirë se çdo shqiptar në këtë tokë pse erdhi dhe pse u largua nga posti i Drejtorit!

Vendimi i Këshillit të Ministrave:

PËR LIRIMIN DHE EMËRIMIN NË DETYRË TË DREJTORIT TË TEATRIT KOMBËTAR EKSPERIMENTAL “KUJTIM SPAHIVOGLI”

Në mbështetje pikës 2, të nenit 100, të Kushtetutës, dhe të pikës 3, të nenit 9, të ligjit nr. 10352, datë 18.11.2010, “Për artin dhe kulturën”, të ndryshuar, me propozimin e ministrit të Kulturës,

Këshilli i Ministrave

VENDOSI:

 1. Z. Kiço Londo, drejtor i Teatrit Kombëtar Eksperimental “Kujtim Spahivogli”, lirohet nga kjo detyrë.

2. Z. Altin Basha emërohet drejtor i Teatrit Kombëtar Eksperimental “Kujtim Spahivogli”.

Ky vendim hyn në fuqi menjëherë.

ZËVENDËSKRYEMINISTËR

Erion Braçe

Ndërkohë më 18 Qershor 2014 Qeveria ka miratuar vendimin për emërimin e Kiço Londos në detyrën e Drejtorit të Teatrit Kombëtar Eksperimental “Kujtim Spahivogli”. Dhe, po në të njëjtin vendim është vendosur shkarkimi nga detyra e Drejtorit të Teatrit Kombëtar të Komedisë të Kastriot Çipit.

V E N D I M

PËRLIRIMIN DHE EMËRIMIN NË DETYRË TË DREJTORIT TË TEATRIT KOMBËTAR EKSPERIMENTAL  “KUJTIM SPAHIVOGLI”

Në mbështetje pikës 2, të nenit 100, të Kushtetutës, të pikës 3, të nenit 9, të  ligjit nr.10352, datë 18.11.2010, “Për artin dhe kulturën”, të ndryshuar, me propozimin e ministrit të Kulturës, Këshilli i Ministrave

V E N D O S I:

1. Z. Kastriot Çipi, drejtor i Teatrit Kombëtar të Komedisë, lirohet nga kjo detyrë.2. Z. Kiço Londo emërohet drejtor i Teatrit Kombëtar Eksperimental “Kujtim Spahivogli”.Ky vendim hyn në fuqi menjëherë.

K R Y E M I N I S T R I

EDI RAMA

Në mungesë dhe me porosi

ZËVENDËSKRYEMINISTRI NIKO PELESHI