Absurdi “Rama-Lleshaj”/ Në Shqipëri nuk mbjellet drogë, vetëm arrestohen njerëz duke mbjellë…

Kryeministri Edi Rama dhe Ish-Gjenerali i tij Sandër Lleshaj kot që gërthasin gjithë ditën se në Shqipëri nuk mbjellet më drogë kur vazhdojnë të arrestohen njerëz duke mjellë drogë.

I tillë ishte sot rasti në Kurbin kur gjatë operacionit policor të koduar
“Godull 2019”, janë sekuestruar 8 mijë kubik me canabis sativa, dhe u arrestuan 5 persona e dy u shpallën në kërkim, me akuzën e kultivimit të lëndëve narkotike në qytetin e Kurbinit.

Njoftimi i policisë

Kurbin-Mega operacioni i koduar “Godull 2019”, për parandalimin e kultivimit të bimëve narkotike.

Operacioni nga Komisariati i Policisë Kurbin, Drejtoria Vendore e Policisë Lezhë, Forca e Posaçme Operacionale në Policinë e Shtetit dhe FNSH-ja.

Sekuestrohen armë zjarri e municione luftarake, kubikë të porsa mbjellë me kanabis dhe lëndë narkotike kokainë. 5 persona në pranga dhe 2 në kërkim.

Në zbatim të detyrave të përcaktuara në Planin e Veprimit, për marrjen e masave për parandalimin e kultivimit të bimëve narkotike, duke ushtruar kontroll periodik të territorit, si dhe bazuar në informacionet e marra në rrugë operative për disa shtetas që përgatiteshin për të kultivuar bimë narkotike në zonën e quajtur Godull, është organizuar dhe zhvilluar operacioni i koduar “Godull 2019”.

Si rezultat i operacionit u arrestuan në flagrancë shtetasit:

– B. Sh., 39 vjeç, banues në Mamurras 
– K. K., 59 vjeç, banues në Fushë Krujë 
– K. Sh., 34 vjeç, banues në Mamurras 
– Gj. N., 34 vjeç, banues në Lezhë 
– V. Z., 41 vjeçe, banuese në Kurbin 

Gjithashtu u shpallën në kërkim dy persona që po punohet intensivisht për kapjen e tyre.

Gjatë operacionit në territor në Godull Adriatik, në Njësinë Administrative Fushë Kuqe në Kurbin, u evidentuan kubikë të porsa mbjellë me fara kanabisi, si dhe sende të tjera që do të shërbenin për kultivim të bimëve narkotike.

Më cilësinë e provës materiale u sekuestruan: 
-8000 kubikë ku ishin mbjellë fara kanabis sativa
– 5 doza të dyshuara lëndë e fortë narkotike kokainë
– 2 armë zjarri “pistoleta”
– 1 armë zjarri automatik 
– 1 armë gjahu “shotgun”
– 680 fishekë , dylbi e thikë

Materialet procedurale në ngarkim të shtetasve të proceduar u referuan Prokurorisë pranë Gjykatës Shkallës Parë Kurbin për veprat penale “Kultivim i bimëve narkotike, kryer në bashkëpunim”, “Prodhim dhe shitje e lëndëve narkotike”, “Prodhim dhe mbajtje pa leje e armëve luftarake dhe municionit” .