Abuzim mln $ me naftën, 6 zyrtarë të AKBN në pranga, arratiset Ish-Drejtori. Aksioni u dekonspirua!
Gjashtë zytarë të Agjencisë Kombëtare të Burimeve Natyrore, AKBN, përfunduan në pranga me akuzën për katër vepra penale: Mashtrim me pasoja të rënda, neni 143 i Kodit Penal; Kontrabandë me mallra që paguhen akcizë, neni 172 i Kodit Penal; Fshehje të ardhurash, neni 180 i Kodit Penal; dhe Shpërdorim detyre, neni 248 i Kodit Penal. Lajmi u konfirmua nga Prokuroria e Tiranës ndërkohë bëhet fjalë për një dëm prej 3.4 mln $.
Mësohet se të arrestuar janë D.D drejtor auditi në AKBN, Qani Hoxhaj drejtor hidrokarburesh, Arben Doda inspektor tatimesh, Naim Kasa biznesmen, si edhe Simon Marku, ndërsa R.Q. me funksion specialiste pranë institucionit është lënë në arrest shtëpie. Të ndaluarit akuzohen për mashtrim me pasoja të rënda, fshehje të ardhurash, shpërdorim deytre dhe kontrabanë mallrash pa akcizë.
Operacioni u ndërmor ditën e djeshme teksa dhe dy të tjerë, Klodian Gradeci ish-drejtor i OST me funksion drejtor hidrokarburesh në AKBN dhe Isuf Berberi, ky i fundit biznesmen hidrokarburesh, janë në kërkim nga Policia për të njëjtat akuza ndërkohë BW raporton se aksioni u dekonspirua.
Gjithçka filloi me hetimin nga kallëzimi i drejtorit të Albpetrol për disa puse nafte.
Pikërisht një shoqëri aksionere ‘’Phoenix Petroleum’’ me drejtues Naim Kasën dhe Isuf Berberin ka shfrytëzuar disa puse nafte dhe ecurinë e saj duhet ta ndiqte pikërisht AKBN. Shoqëria nuk i ka kryer këto investime të detyrueshme tek puset e naftës dhe ka paraqitur në AKBN 8 fatura të falsifikuara nga shërbime që nuk i ka përfituar nga kompania amerikane Black Swan Energy Service.
Zyrtarët e AKBN, Qani Hoxhaj, R.Q, D.D, dhe Klodian Gradeci kanë cerifikuar kundër ligjit punimet e pakryera dhe i kanë pasqyruar në fatura si punime të kryera. Vlera totale e falsitetit të faturave është 1 milionë e 229 mijë dollarë.
Po ashtu dy punonjësit e Tatimeve, Arben Doda dhe Simon Marku përpiluan një raport kontrolli kundra ligjit,dhe administrata pësoi një dëm prej 568 mijë dolllarë amerikanë duke mos denoncuar rastin.
AKBN nga gjithë këto veprime të jashtëligjshme në përfundim ka pësuar një dëm prej 3.4 mln $
Ndryshe, Agjencia Kombëtare e Burimeve Natyrore, AKBN, ka si objekt të veprimtarisë së saj zhvillimin, mbikëqyrjen e shfrytëzimit racional të burimeve natyrore, në bazë të politikave qeverisëse dhe monitorimin e postshfrytëzimit të tyre në sektorin minerar, hidrokarbur dhe energjetik.
