Abuzimi me fondet e SHBA, Berisha: Edi Rama po censuron skandalin, ftoj FBI-në të hetojë!
Kryetari i Partisë Demokratike, Sali Berisha, ka akuzuar sot Kryeministrin Edi Rama dhe familjen e tij për abuzim me fondet e taksapaguesve amerikanë ndërsa kërkoi një hetim të FBI-së dhe një audit të plotë për të zbuluar shpërdorimin e fondeve.
“Në rast se ka një rast më klasik të abuzimit ekstrem me paratë e taksapaguesve të SHBA, në Shqipëri në krye të listës qëndrojnë dy zonja, Linda Rama, bashkëshortja aktuale e kryeministrit, e cila në dhjetëra e dhjetëra projekte të saj, me fondacionin Shqipëria e Hapur, me UNDP-në dhe të tjera, ka përfituar shuma marramendëse në kundërshtime flagrante me ligjet themelore të antikorrupsionit.
Dhe, Delina Fico, bashkëjetuesja aktuale e ministrit Çuçi, dhe ish-bashkëjetuesja e Edi Ramës, ka marrë shuma përrallore me projekte antikushtuese dhe antiligjore nga USAID-i për pasurimin e saj dhe kapjen e sistemit të drejtësisë kryekëput nga Rama dhe enturazhi i tij,” tha Sali Berisha por është narkoqeveria e Edi Ramës që ka vendosur censurë të plotë dhe po mbulon skandalet më të mëdha ndërkombëtare nga ish-bashkëshortja dhe bashkëshortja e tij aktuale Edi Ramës.
Duke i bërë thirrje FBI-së të ndërmarrë një hetim me përparësi në Shqipëri për të nxjerrë të gjitha shpërdorimet e mëdha në nivelin më të lartë qeveritar të Shqipërisë me paratë e taksapaguesve amerikanë, lideri i opozitës garanton qytetarët shqiptarë:
“Një audit i plotë me ndihmën e ekspertëve më të mirë shqiptarë dhe amerikanë do bëhet lidhur me të gjitha këto abuzime dhe se përgjegjësit do marrin ndëshkimin më të merituar ligjor.”
Deklaratë:
Narkoqeveria e Edi Ramës ka vendosur censurën më të plotë, po mbulon me terrin më të zi një nga skandalet më të mëdha ndërkombëtare të rrethit të tij familjar, siç është abuzimi me miliona e miliona euro dhe dollarë të taksapaguesve amerikanë nga ish-bashkëshortja e Edi Ramës dhe bashkëshortja e tij aktuale.
Auditet e para në SHBA faktojnë se paratë e taksapaguesve amerikanë u përdorën për të pasuruar elitat e korruptuara të ekstremit të majtë në vendet e tjera të botës.
Në rast se ka një rast më klasik të abuzimit ekstrem me paratë e taksapaguesve të SHBA, në Shqipëri në krye të listës qëndrojnë dy zonja, Linda Rama, bashkëshortja aktuale e kryeministrit, e cila në dhjetëra e dhjetëra projekte të saj, me fondacionin Shqipëria e Hapur, me UNDP-në dhe të tjera, ka përfituar shuma marramendëse në kundërshtime flagrante me ligjet themelore të antikorrupsionit.
Ajo përbën një rast unik në planet, kur bashkëshortja e kryeministrit, paguhet me paratë e taksapaguesve të vendeve të tjera dhe kryesisht të SHBA për të bërë raporte për veprimtarinë e qeverisë së burrit të vet.
Ky është një rast kulmor flagrance që fakton se gjer ku arrin makutëria e enturazhit të Edi Ramës dhe se për pasurimin e tij familjar, Edi Rama nuk respekton asnjë ligj, asnjë parim kombëtar as ndërkombëtar.
Edi Rama ishte i detyruar të përjashtonte bashkëshorten e tij nga çdo lloj studimi që lidhej me qeverinë e tij.
Por është bërë e kundërta, jam unë që kohë më parë kam denoncuar faktin e vizitave, e shoqëruar nga ministra, dhe i kam denoncuar me emër dhe mbiemër, ku Linda Rama debatonte dhe gjente tema për projektet e studimit të saj në agjencitë dhe zyrat e qeverisë.
Pra, përdoreshin ato.
Aktivitet absolutisht flagrant i shpërdorimit të detyrës dhe shpërdorimit të fondeve.
Por në hierarkinë e shpërdorimit të fondeve të taksapaguesve amerikanë dhe pasurimit të elitave të ekstremit të majtë në vende të ndryshme të botës, Shqipëria nxin sterrë edhe me figurën e lubisë numër 2, e cila quhet Delina Fico.
Delina Fico, bashkëjetuesja aktuale e ministrit Çuçi, dhe ish-bashkëjetuesja e Edi Ramës, ka marrë shuma përrallore me projekte antikushtuese dhe antiligjore nga USAID-i për pasurimin e saj dhe kapjen e sistemit të drejtësisë kryekëput nga Rama dhe enturazhi i tij.
Lubia numër 2 apo Delina Fico me këshilltarët ligjorë që kompania e saj në kundërshtim me Kushtetutën dhe ligjet, ka afruar Gjykatës së Lartë dhe sistemit të drejtësisë, ka gllabëruar nga fondet e USAID-it dhjetë milionë euro.
Dhe për vete rroga dy herë më e madhe se sa e ambasadorit të SHBA në Shqipëri.
Unë e kuptoj se ata që kanë vendosur këtë censurë të tmerrshme mbi vjedhjet, shpërdorimin dhe abuzimin e fondeve nga gratë e narkoqeverisë, do shpërndajnë lajmin se unë po merrem me gratë e tyre.
Jo, unë nuk po merrem me asgjë tjetër veçse me fondet e taksapaguesve amerikanë që janë shpërdoruar në mënyrë të tmerrshme dhe përgjegjësi direkte kanë Edi Rama, Blendi Çuçi.
Po kështu Velica. Velica me Harabelin e saj merr dhjetëra mijëra euro nga ambasada e SHBA dhe dhjetëra mijëra euro nga BE për ngjarje që nuk i bën fare.
Pra, ata të cilët i angazhojnë gratë e tyre për të vjedhur dhe shpërdoruar fondet, ata janë hajdutët më amoralë mbi tokë.
Ndaj dhe, duke dënuar censurën që po aplikohet në Shqipëri nga mediat e qeverisë, në një kohë kur Shqipëria nxin në mediat e SHBA dhe në deklaratat e zyrtarëve të lartë citohet e para, se ku kanë shkuar.
Dhe nuk po ndalem këtu se e këtij sekti është edhe Milva. Po janë shumë. Blendi Gonxhja. Janë shumë ata.
Po këta janë më pak se ato të parat.
Se edhe këta i kanë futur fëmijët. Po, po.
Pra, këtu prokurori nuk ka se është e tëra nën kontroll politik.
Sepse një prokurori e vërtetë, e bazuar dhe e varur nga ligji, me urgjencë do kishte hetuar këto akte të rënda.
Po nuk hetohen, përkundrazi këto mbrohen nga Edi Rama sikundër mbrohet çdo vjedhje e lidhur me të.
Ndaj dhe i bëj thirrje FBI-së të ndërmarrë një hetim me përparësi në Shqipëri për të nxjerrë të gjitha shpërdorimet e mëdha në nivelin më të lartë qeveritar të Shqipërisë me paratë e taksapaguesve amerikanë.
Ftoj Edi Ramën, që ka shkallmuar siç e shihni ju dhe nga mëngjesi gjer në darkë, në një llogare të pakontrolluar, flet përçart korr e mos lidh, t’u thotë shqiptarëve për këto akuza të rënda kombëtare dhe ndërkombëtare, që e nxijnë imazhin e Shqipërisë.
Ka thënë ai një fjalë të vetme për këto? Asnjë fjalë.
Garantoj qytetarët shqiptarë se një audit i plotë me ndihmën e ekspertëve më të mirë shqiptarë dhe amerikanë do bëhet lidhur me të gjitha këto abuzime dhe se përgjegjësit do marrin ndëshkimin më të merituar ligjor.
Andon Kello, Abc News: Z.Berisha, ditën e djeshme konsulenti juaj amerikan, Chris LaCivita ka deklaruar për Neë York Times se, ai nuk do të përdorë asnjë kontakt dhe nuk do të lobojë pranë administratës Trump për ju dhe për PD. Për ccfarë po e paguani LaCivita-n dhe si do loboni për të hequr non gratën në SHBA-të?
Berisha: Besoj se një deklaratë të tillë kam bërë unë para jush në zyrën time.
Nuk ka kompania e kontraktuar për zgjedhje, nuk ka asnjë funksion dhe lidhje si kompani lobimi sepse në vendin e vet, këto veprimtari janë me kuadër të ndryshëm ligjor dhe bëtë mirë që ma rikujtuat.
Por unë, në qoftë se shkon në konferencën e parë që kam bërë pas asaj në Rogner, kam sqaruar se kjo kompani nuk ka asnjë tagër apo angazhim për qëllime lobimi.
– Deri më tani, janë dy deputetë të cilët janë tërhequr nga gara e primareve, të paktën të konfirmuar. Elidon Bushati dhe Ferdinant Xhaferaj, edhe një zyrtar, anëtar Kryesie i PD. Si i komentoni ju këto tërheqje nga procesi primareve?
Berisha: Së pari unë shpreh konsideratat e tyre për dy deputetët, rolin e tyre, kontributet e tyre të pamohueshme në PD dhe garantoj se, unë bashkëpunimin me ta sot dhe në të ardhmen e konsideroj të çmuar. Po kështu, edhe për cilindo që merr këtë veprim.
Këta dy deputetë dhe të tjerë kanë pasur dhe kanë besimin e plotë të Sali Berishës, por një gjë, e kam përsëritur dhe dua ta përsëris; edhe në thellësitë e territ të diktaturës, për mua liria ka qenë e drejta për të zgjedhur atë që do individi. Thelbi i lirisë është e drejta e zgjedhjes dhe për fat të mirë e kam shkruar dhe në atë kohë kur filozofia ekzistencialiste konsiderohej një nga më reaksionaret e kohës. Por unë i besoj atij parimi.
Anisa Kadesha, TVSH: Z.Berisha, ju sot në rrjetet sociale jeni shprehur se kryeministri është i shqetësuar pasi po i hapet dosja McGonigal. Mund të kemi një koment për kotë informacion që ju dispononi?
Berisha: Rama është i shqetësuar shumë.
Janë të shqetësuar i gjithë grupi i ministrave, qeveritarëve vendorë, që mund ta quajmë në kuptimin e plotë të fjalës, grupi McGonigal i Shqipërisë.
Ata tendencën e kanë pa përjashtim të fajësojnë Edi Ramën sepse ata thonë se personin në fjalë e ka paraqitur, dhe ne e kemi trajtuar me porosi të Edi Ramës, dhe sipas kërkesave të Edi Ramës.
Mirëpo famëziu McGonigal është një pus i zi që gurgullon dhe nxjerr vazhdimisht dhe kësaj radhe, sipas të dhënave, grupi shqiptar i McGonigal me në krye Edi Ramën, nuk do mund t’i shpëtojë ligjit amerikan, se ligjin shqiptar që ka Dumanin, i cili do të thotë, siç tha për Olsin që nuk ishte Olsi personi i paidentifikuar, do të thotë për Edin se nuk ishte Edi që i dërgoi paratë McGonigalit.
