Admirali Dragone: KFOR-i vazhdon ta ruajë paqen dhe stabilitetin në Kosovë

Admirali Giuseppe Cavo Dragone i cili qëndroi dje në Prishtinë bashkë me Sekretarin e Përgjithshëm të NATO-s, Mark Rutte, deklaron se KFOR-i siguron një mjedis të sigurt duke nxitur një Kosovë multietnike dhe demokratike.

Admirali Giuseppe Cavo Dragone, i cili është kryesues i Komitetit Ushtarak të NATO-s, lavdëroi “përkushtimin e palëkundur të të gjithë personelit të KFOR-it, i cili vazhdon të ruajë paqen dhe stabilitetin në Kosovë që nga viti 1999”.

“Vlerësim i veçantë për Ekipin Ndërlidhës dhe Këshillues të NATO-s, tani të udhëhequr nga Gjenerali Christian Nawrat, për rolin e tyre kryesor në këshillimin dhe mbështetjen e Forcës së Sigurisë së Kosovës, duke rritur stabilitetin rajonal,” shprehet Admirale Dragone përmes rrjetit social X.

Ndryshe, me përfundimin e takimeve me krerët e shtetit të Kosovës, Sekretari i Përgjithshmëm Mark Rutte, siguroi në Prishtinë se NATO mbështet paqen dhe stabilitetin në Ballkanin Perëndimor.