Adriatik Llalla kërkon heqjen e sekuestros për pronat e tij

Ish-prokurori i Përgjithshëm, Adriatik Llalla ka apeluar vendimin për sekuestro preventive të pronave të tij pranë Gjykatë së Apelit të Krimeve të Rënda

Apelimin e këtij vendimi, ish-kryeprokurori e ka bërë përmes avokatit Sokol Hazizaj.

Ndryshe, pak ditë më parë Gjykata e Krimeve të Rënda vendosi të pranojë kërkesën e Prokurorisë për sekuestro preventive të pasurive të ish kryeprokurorit. Pronat e tij u përllogaritën në vlerën prej rreth 1 miliard lekë

Ish-kryeprokurori nuk iu nënshtrua Vetting-ut. Ndërsa gjatë procesit në KPA ai nuk u paraqit duke paraqitur një prokurë te lëshuar nga Turqia ku autorizonte avokatin si përfaqësues të tij gjatë procesit..

Më 11 qershor 2018 ky komision la në fuqi vendimin e Komisionit të Pavarur të Kualifikimit për ndërprerjen e Vetting-ut për ish-kryeprokurorin por saktësoi në vendim edhe pjesën e përjashtimit të ish-kryeprokurorit nga e drejta për të qenë për 15 vite pjesë e organeve te sistemit të drejtësisë.

Aktualish Adriatik Llalla hetohet për “shpërdorim detyre”, “deklarim të rremë të pasurisë” dhe “pastrim të produkteve të veprës penale”.