Aeroporti i ri në Stamboll, më 7 Prill nisin fluturimet

Transferimi nga Aeroporti Ndërkombëtar Ataturk, në Aeroportin e ri të Stambollit, ka nisur sot në orët e para të mëngjesit. Funksionalizimi i Aeroportit Ndërkombëtar të Stambollit pritet përfundojë brenda 48 orëve.

Ministria e Transportit ka bërë të ditur se ky proces pritet të kompletohet më 7 prill. Trafiku ajror do të ndalet në të dyja Aeroportet për 12 orë, duke nisur më 6 prill, derisa pritet që edhe disa autostrada të mbyllen gjatë kësaj kohe.

Kompanitë ndërkombëtare pritet të rinisin fluturimet nga objekti i ri në mesnatën e 6 prillit.

Kompania e këtij shteti, Turkish Airlines, ka thënë se do të transferojë rreth 50.000 tonë pajisje, ndërkohë që rreth 1.800 persona janë angazhuar për procesin e bartjes.

Aeroporti i ri, në anën evropiane të Stambollit është inauguruar nga presidenti turk, Recep Tayyip Erdogan më 29 tetor. Hapja zyrtare është shtyrë tre herë për shkak të punimeve.

Ky Aeroport i cili shtetit turk i ka kushtuar 8 miliardë dollarë, planifikohet t’iu shërbejë rreth 200 milionë pasagjerëve brenda një viti deri më 2027.

Përveç tij, edhe aeroporti, Sabiha Gokcen, që gjendet në anën aziatike, do të vazhdojë të jetë i hapur në Stamboll