Aeroporti i Vlorës, Berisha publikon dokumentin: Balluku firmosi kalimin e aksioneve turke te Pacolli!

Çdo shqiptar mund të dyshojë se ato aksione janë të Edi Ramës dhe Lubi Ballukut, tha Kryetari i Partisë Demokratike, Sali Berisha duke publikuar dokumentin ku konfirmohet se ishte ministrja Belinda Balluku që firmos kalimin e 40% të aksioneve të shoqërisë aksionare Vola Internatinal Aeroport nga kompania turkete kompania Mabco Construction e Behgjet Pacollit.

Duke pasur parasysh angazhimin kaq intensiv të Edi Ramës, Lubi Ballukut, Taulant Ballës e me radhë, Kryetari i Partisë Demokratike thotë se Pacolli dhe Valoni janë thjesht prestanome, por emrat e vërtetë të kësaj afere të tmerrshme janë Edi Rama, Lubi Balluku dhe qeveritarët e tjerë.

“Aeroporti i Vlorës falimentoi para se të fillojë funksionimin.
Faktikisht, i ndërtuar mbi një korrupsion të tmerrshëm, ngrehina e tij u shemb para fillimit të funksionimit.
Në aparencë, mediat dhe qytetarët shohin një përballje midis dy aksionerëve dhe në këtë aspekt kjo nuk është një gjë e pazakonshme.
Por kjo është vetëm në aparencë.
Afera e aeroportit të Vlorës eksplodoi tre javë më parë kur biznesmeni dhe politikani i njohur kosovar, Bexhet Pacolli, foli nga zyra e kryeministrit shqiptar.
Doli nga zyra e kryeministrit shqiptar.
Tani, që dy ortakë mund të kenë mosmarrëveshje njëri me tjetrin, kjo është një ndodhi e zakonshme.
Por që një kryeministër të implikohet në ngatërresën apo në përballjen e dy ortakëve njëri me tjetrin, kjo është gjëja më e pazakonshme.
Ky është moment i cili flet shumë më tepër se sa të gjitha të tjerat.
Pra kemi të bëjmë jo thjesht me një përballje midis dy aksionerëve, por kemi të bëjmë me një përballje midis shtetit dhe aksionerëve.
Kemi të bëjmë me një përballje të tillë, sepse nëse shfletoni arkivat e medieve, do gjeni se janë mediat ato që njoftuan fillimin e procesit kundër këtij e kundër atij, pa filluar procesi.
Por janë breshëri të pafundme mesazhesh të pushtetarëve direkt të interesuar në këtë aferë që kanë vërshuar drejt aksionerëve.
Cili është morali? Dora e zezë e atyre që kanë stisur këtë aferë të tmerrshme është e shtetit dhe e qeverisë,” tha Sali Berisha për aferën e Aeroportit të Vlorës duke konstatuar se Balluku firmosi atë që Ahmetaj dhe Gjiknuri e refuzuan, duke i dhënë koncesionarit 135-140 milionë euro të taksapaguesve shqiptarë

“Unë dua të informoj qytetarët se aeroporti i Vlorës ka një histori recente të tillë.
Në vitin 2017 hapet një tender, në të cilin paraqiten 4 kompani të mëdha turke për ndërtimin e aeroportit.
Kompanitë turke, duke pasur parasysh se në aeroport do të kishte më shumë zogj se pasagjerë, kërkuan një garanci me 120 milionë euro, ndërkohë që aeroporti ishte përllogaritur të ndërtohej me 105 milionë.
Dua të deklaroj këtu se dy ministra refuzuan firmën e kësaj kontrate.
E refuzoi Arben Ahmetaj, e refuzoi Damian Gjiknuri.
Dhe e refuzuan pikërisht për shkakun se kompania kërkonte 120 milionë euro pagesa nga qeveria, edhe sikur asnjë avion të mos fluturonte në këtë aeroport pas përfundimit të tij.
Një çmenduri.
Aeroporti është me rrezik të lartë dhe kështu është aeroporti.
Të ngrihesh mbi UFO-n për të mbushur valixhet me paratë e taksapaguesve është krim i shëmtuar.
Të dalësh dhe të kapardisesh si Lubia, që nuk më lejohet t’i vë epitete, se po ndërtojmë në Vlorë aeroportin më të madh në Ballkan, duke dëshmuar injorancë dhe babëzi.
Çfarë imagjinate është që të mund të ndërtosh në Vlorë, në një rreth që ka gjithsej banorë aktualë asnjë më shumë se 170 mijë?
Të thuash që po ndërtoj aeroportin më të madh të Ballkanit, për të mbuluar vjedhjen e tmerrshme që ke planifikuar të bësh.
Po pse? Sepse logjika ekonomike dhe e gjithanshme imponon: një, ndërtimin me faza. Faza e parë, 20-30 milionë, siç është vepruar me aeroportin e Tiranës, i cili mund të jetë sot në fazën e tretë ose të katërt të ndërtimit. Rritet vëllimi, zgjatet pista, zgjerohet fusha, etj.
Por që në fillim, duhej që aeroporti të ishte më i madhi në Ballkan.
Një krim ndaj shqiptarëve ky, njëlloj si në Kukës. Shkoni në Kukës, e shndërruan në park fotovoltaik aeroportin.
Por jo, do ta bëjmë më të madhin që vjedhja të jetë maksimale.
Dhe çfarë bëri?
Atë që Damian Gjiknuri dhe Arben Ahmetaj nuk e firmosën, Lubia e firmosi me 140 milionë euro.
Dhe a mund ta kuptoni ju që aeroporti që ndërtohet me 105 apo me 110 brenda 10 viteve u merr taksapaguesve shqiptarë edhe sikur asnjë avion të ulet në pistën e tij, në total 135-140 milionë euro.
A ka njeri që mund të gjobisë, përveç hajdutëve që nuk kanë asnjë lloj morali dhe që janë të aftë të bëjnë çdo gjë,” tha lideri i opozitës duke publikuar dokumentin që konfirmon se ishte ministrja Balluku ajo që firmosi kalimin e aksioneve te Pacolli!

“Përpiqen jo Behgjeti, jo Valoni, jo Valoni, jo Behgjeti. Ç’punë kanë ata? Shtylla e zezë e korrupsionit është garancia që është dhënë nga Lubi Balluku, e papërmbajtur në hajnitë dhe vjedhjet e saj. Dhe që mbrohet nga Skapi i partisë. Ja ku është…
Kjo është e vërteta.
Prandaj dhe këta, të gjithië janë vërsulur gjoja në grindjen që ka Behgjeti me Valonin. Po në qoftë se ata kanë grindje, le t’i zgjidhin. Janë qytetarë privatë ata. Pra, janë interesa kriminale të Edi Ramës, Lubi Ballukut, Taulant Ballës dhe dhëndrit të Lubi Ballukut, djalit të Sadri Abazit.
Po, ka marrë kushërirën e parë të Lubisë.
U garantoj se mënyra se si po e trajtojnë këta, nuk po hyj fare se kush ka të drejtë prej këtyre të dyve, absolutisht, sepse unë jam i lirë nga ky problem sepse e kam denoncuar i pari si një aferë të tmerrshme korruptive.
Tani shoh që në qoftë se në djegësin e Tiranës u vodhën paratë dhe nuk u hodh një tullë, në aeroportin e Vlorës janë premtuar 140 milionë euro, edhe sikur një avion të vetëm të mos ulet në pistën e tij gjatë 10 viteve të para. Se është me rrezik.
Atëherë kjo ka një gjë shumë të thjeshtë, në qoftë se nuk duan të vjedhin, nuk ndërtohet aeroport me 100 milionë euro, ndërtohet aeroport me 15 milionë euro. Fillohet, shtohen pasagjerët, shtohet pista, shtohet mjedisi. Shtohen çarterat e mëdhenj, zgjatet pista. Kjo praktikë është ndjekur me Rinasin dhe e kanë ndjekur privatët këtë praktikë.
E kishin gjermanët, e ndoqën, nga gjermanët e morën kinezët, po këtë bënë. Nga kinezët, e morën shqiptarët, po këtë bënë. Tani ku fle lepuri? Ua them unë. Çfarë ka ndodhur?
Lubia, jo vetëm firmos kontratën për një siguri 140 milionë, por Lubia një vit mbrapa firmos transferimin, ja ku e keni zëvendëskryeministre dhe ministre. Firmos kalimin e aksioneve nga kompania turke, e cila është kompani me ekspertizën në ndërtimin dhe menaxhimin e aeroporteve, pa të cilën aeroporti nuk ndërtohej. Pra firmos kalimin e aksioneve nga kjo kompani tek Mabco Construction.
Që në këtë moment, tenderi rrëzohet. Shtyllë kryesore e tenderit nuk ishte Mabco Construction sepse nuk kishte asnjë eksperiencë, por kishte kompania turke që ishte ndërtuese dhe menaxhuese aeroportesh.
Dhe, një numër kompanish të tjera që u paraqitën në tender, por që nuk kishin ekspertizën e kompanisë turke, u përjashtuan.
Tani, kompania me ekspertizë u thotë mirupafshim dhe Lubia firmos për kalimin e aksioneve tek Pacolli.
Tani, çdo shqiptar absolute të dyshojë se ato aksione janë të Edi Ramës dhe Lubi Ballukut.
Dhe këtu mund të jetë, kjo do hetim të gjithanshëm, shkaku i angazhimit kaq intensiv të Edi Ramës, Lubi Ballukut, Taulant Ballës e me radhë në një aferë që në pamje është një aferë midis dy ortakëve. Pa lidhje me shtetin,” tha Berisha për skandalin 140 milionë euro duke vlerësuar se Pacolli dhe Valoni janë thjesht prestanome.

“Njeriu nuk duhet të marrë asnjë anë, absolutisht, por i vetmi transferim aksioni në katër vite, i miratuar nga qeveria, sepse duhen miratuar nga qeveria sipas ligjit tregtar, është transferimi i aksioneve të kompanisë turke, që është bërë në shkelje të ligjit.
U lumturua Lubia, Edi Rama apo Tao nga ato aksione, këto sigurisht pa hetim nuk mund të thuhet.
Por fakti që implikohen kaq thellë, fakti që kanë firmosur një kontratë të tillë i akuzon këta absolutisht si direkt përgjegjës për të gjithë këtë aferë megakorruptive.
Mos harroni, nuk ka një dokument ku të jetë firmosur transferimi i aksioneve nga Pacolli tek Valoni. Nuk ka. Dhe tani vërsulen të gjithë. Po ç’punë keni ju në punën midis ortakëve?
Unë i kam denoncuar, këtë Valonin nuk e kam njohur fare, kur kam denoncuar unë kam pasur parasysh Pacollin se ai ishte emri kryesor. Dhe nuk mund të pranoja unë kurrë sigurinë për 600 mijë bileta.
Se kjo është një gjë e tmerrshme, të gjobitësh shqiptarët. 35 vjet koncesion, fitimi është 700 milionë fitimi. Parashikimi. Por injoroje parashikimin. 10 vitet e para, shqiptarët i paguajnë koncesionarit 140 milionë për trafikun e munguar,” tha Kryetari i Partisë Demokratike, Sali Berisha, duke përfunduar:
“Besoj se çdo shqiptar e ka të qartë tani se këtu Pacolli dhe Valoni janë thjesht prestanome, por emrat e vërtetë të kësaj afere të tmerrshme janë Edi Rama, Lubi Balluku dhe qeveritarët e tjerë.
Përgëzoj dy ish-ministrat që kanë refuzuar të firmosin jo për 140 milionë, por edhe për 120 milionë euro gjobë për taksapaguesit shqiptarë. Gjobë e vërtetë.”