“Aeroporti që Duam”/ Kryeministri Edi Rama kthehet në vendin e krimit!
I menduar si takim në kuadër të propagandës “Bashkia që duam”, kryeministri Edi Rama, meqë për shkak të protestave të qytetarëve nuk shkoi do të në këtë bashki të cilën e varfëroi, përçmoi dhe së fundi edhe e shiti duke e lënë në duart të konçesionarëve, takimin me administratën e tij nëpër Shqipëri e zhvilloi në Aeroportin e Kukësit.
Pasi i mohoi çdo gjë këtij qyteti, përveç fondeve, sot ai fajësoi bashkinë pse nuk i jep leje për të ndërtuar spitalin ndërsa nga vendi ku po mbahej ky takim e bëri të qartë se përveç traut të Rrugës së Kombit, ajo që don rilindja nga ky Qark është Aeroporti. Dhe, njeriun i cili e ndihmoi ta shkatërroi këtë vend sot e shpalli kandidat të rilindjes për zgjedhjet e 30 Qershorti:
“ Ka ardhur koha që bashkinë të na e jepni ne, si detyrë për të bërë për Kukësin shumë gjëra që nuk janë bërë. Duhen 4 muaj për të marrë leje për spitalin. Qeveria vendos fondin për të ndërtuar një pjesë të domosdoshme që të ndërtohet si infrastrukturë dhe 4 muaj për të marr leje. Nuk e kam kuptuar akoma arsyen, por faktikisht kemi humbur 4 muaj,” tha Edi Rama duke shtuar se kandidatin për Bashkinë e zgjodhi mes kuksianëve, ndërsa iu drejtua Safet Gjicit.
Ndërsa vazhdoi me premtimet, Edi Rama u humb në kohë dhe hapësirë meqë mendjen e kishte tek protestuesit që po i afroheshin Aeroportit të Kukësit, dhe për momentin mendoj se është duke folur në Peqin, dhe, premtoi:
“Iu premtoj se do të ndërtojmë stadium të ri në Kukës. Ndërtimi i stadiumit të ri do të bëjë që Kukësi të zhvillohet. Me ndërtimin e stadiumit, merr zhvillim ekonomia, bizneset. Edhe në Elbasan e Shkodër investuam në stadiume dhe automatikisht u rrit ekonomia dhe fuqizuan edhe bizneset,” tha Edi Rama nga vendi i krimit, ku dhuratën, pra Aeroportin e Kukësit ia dha koncesionarit, pa e pyetur fare të zotin e dhuratës, Bashkinë e Kukësit.
Bashkim Shehu: Kryeministër i bandave!
Lidhur me gjuhën që përdori Edi Rama dhe akuzat për spitalin ka reaguar menjëherë kryetari i Bashkisë Kukës, Bashkim Shehu, duke i kërkuar Kryeministrit të ikë nga Kukësi, pasi aeroporti është pronë e qytetarëve të Kukësit dhe ai nuk është Kryeministër i shqiptarëve por i bandave.
“E pamë që kryeministri vazhdoi me shprehjet e tij të famshme ‘barbarët’ dhe ‘derrat’, kjo tregon se si ka degraduar ai. Ishte marrë edhe me spitalin e Kukësit. Bashkia e Kukësit i ka dëguar edhe disa shkresa. Aty po bëhet një ndërtim mbi tunele. I ftoj të gjithë gazetarët që të vijnë dhe ta shikojnë. Jemi të hapur për të gjitha investimet.
Por jemi të hapur për të ngritur një Komision kur të ketë përfaqësues të Bashkisë, të koncesionit, të Ministrisë dhe të shikohet. Ky Aeroport është dhuratë e Kukësit. Jemi pro investimeve, por jemi kundër grabitjes së pronave të kuksianeve. Më vjen shumë keq sot që të gjitha shkollat e Kukësit, e gjithë administrata ka qenë e detyruar të shkojë në miting.
E ftoj Edi Ramën të ikë me qetësinë me të madhe sepse sot po shihet se si në çdo dalje publike po degradon, dhe është përfaqësues i bandave,” tha Bashkim Shehu.
