Afera e Portit të Durrësit, Sali Berisha: Afera më e madhe korruptive në Europë!

Afera e Portit të Durrësit është afera më e madhe korruptive në Europë, tha lideri historik i PD, Sali Berisha, nga foltorja e Parlamentit duke shtuar se kjo që do thotë është vetëm një kapitull, kapitulli tjetër është më i zi dhe premtoj se do të flas në seancat tjera parlamentare.

“Nuk ekziston një vend i dytë me këtë fuqi të së keqes, krimit, si Shqipëria, dhe kjo ka vetëm një arsye, lidhjen e tij të tmerrshme me qeverinë. Narko-qeveria nisi qeverisjen e saj me instalimin në Xibrakë të uzinës më të madhe të kokainës në Ballkan, nën patronazhin direkt të klanit Rama. Genti Xhixha i laboratorit të kokainës kishte lidhje direkte me Edi e Olsi Ramën.

A e dini kush e kontrollon Portin e Durrësit? Nallbani i Xibrakës, i Hakmarrjes për Drejtësi, i Edvin Drogës e Lulzim Pengut, që e ka gjysmë baxhanak të dashur. Nuk është rastësi se nark-kokaina kalohet te Porti i Durrësit. A e morët vesh apo jo? Se Emari u zhduk, s’ka më lidhje me Portin e Durrësit, por kanë dalë disa kompani offshore, që në bashkëpunim me Kreun e Meduzës dhe Lul Bravën, do lajnë aty shumat përrallore,” tha Sali Berisha duke folur për aferën më të madhe korruptive në Europë 

“U them këtu dhe do ju njoftoj në seancat e tjera, se afera e Portit të Durrësit është afera më e madhe korruptive në Europë. Kjo që po them unë është vetëm një kapitull, kapitulli tjetër është më i zi.

Prokurori italian deklaronte dje se mafia shqiptare, lexoni: mafia e klanit Rama, është më e rrezikshme se Ndragheta,” tha Ish-Presidenti Sali Berisha duke përfunduar:

“Ju jeni dëshmitarë se si filloi bashkëpunimi. Krimi më i egër dhe më barbar është ai i kriminelëve në qeverinë shqiptare dhe bashkëpunëtorëve të tyre kudo që janë.”