Agjencia amerikane: Mos përdorni ilaçe veterinere kundër COVID-19, nuk jeni kuaj!

Administrata amerikane e Ushqimit dhe Barnave, FDA, ka lëshuar një paralajmërim serioz për qytetarët e SHBA që të ndalojnë me marrjen e ilaçeve veterinere për shërimin dhe parandalimin e COVID-19 pasi që ka marrë shumë denoncime për pacientët që janë hospitalizuar pas vetëshërimit me Ivermectin i cili i dedikohet kuajve, raporton  NBC.News.

“Ti nuk je kali. Nuk je lopë. Seriozisht, të gjithë. Ndaloni,” porositë FDA përmes rrjetit social Twitter duke sqaruar në detaje pse ilaçi mund të jetë i rrezikshëm për njerëzit.

Pse përdoret Ivermectini?

Ivermectini, është ilaç antiviral i cili përdoret kryesisht për shërimin ose parandalimin e sëmundjeve parazitare të kafshëve.

“Këto ilaçe për kafshë shpesh janë me koncenctrim të lartë sepse përdoren për kafshë të mëdha siç është kali ose lopa, që peshojnë shumë më shumë se njeriu. Doza kaq të mëdha mund të jenë shumë helmuese për njerëzit,” thuhet në mesazhin e FDA.

FDA thekson se pacientët që mbidozohen me Ivermectin mund të ndjejnë siklet, të vjella, diarre, tension të ulët të gjakut, reaksione alergjike, marramendje, problem me ekulibrin, sulme, koma, madje shkakton dhe vdekje.