Agjencia Evropiane e Barnave miraton vaksinën Johnson&Johnson

Agjencia Evropiane e Barnave, ka miratuar vaksinën kundër koronavirusit, të kompanisë Johnson&Johnson.

Ky vendim vjen ndonëse kompania ka njoftuar ligjvënësit e Bashkimit Evropian se vaksina nuk do të ketë mundësi të dërgohet deri në mesin e muajit prill.

Kjo vaksinë tashmë është miratuar në Shtetet e Bashkuara dhe Kanada.

Për dallim nga vaksinat e kompanive tjera, kjo vaksinë merret vetëm në një dozë.

Rezultatet e testimeve me rreth 44.000 pjesëmarrës kanë treguar se vaksina e kompansë Johnson&Johnson, është 66 për qind efektive në parandalimin e sëmurjes së rëndë nga koronavirusi.

Kështu, raporton RFE, vaksina e kësaj kompanie bëhet e katërta që është miratuar nga blloku evropian.