Agjentët amerikanë futen në konsullatën kineze në Hjuston
Agjentët amerikanë kanë thyer derën dhe janë futur në ish-konsullatën kineze në Hjuston për të cilën Departamenti i Shtetit dha urdhër të mbyllet.
Zyrtarët federal janë futur në objekt pak para orës 17:00 të së premtes, sipas orës lokale, duke hapur derën e pasme me mjete të forta.
Në një dalje publike, zyrtarët e SHBA kanë sqaruar se konsullata kineze është përfshirë në hetimin e mashtrimit në Institucionin hulumtues të Teksasit, dhe se zyrtarët e konsullatës kinez kanë kontaktuar hulumtuesit duke i drejtuar ata se çfarë të dhëna duhet të mbledhin dhe cilat jo.
They later broke the lock and broked into the consulate via the back door. 後來 #美國 官員把後門的鎖撬了，破門而入了。 https://t.co/8EqZR1GHkE
— Jennifer Zeng 曾錚 (@jenniferatntd) July 25, 2020
Në SHBA mendohet se aktivitetet e zyrtarëve të konsullatës kineze në Hjuston janë pjesë e një rrjeti të madh të individëve në më shumë se 25 qytete dhe që mbështeten nga ky konsullat.
Të martën SHBA i ka dhënë Kinës afat prej 72 orëve që të mbyllin konsullatën në Hjuston por kjo nuk ndodhi. Dhe jo vetë kaq!
Kina veproi me një hakmarrje të shëmtuar kundër Shteteve të Bashkuara duke mbyllur konsullatën amerikane në qytetin Çengdu, e cila mbulon rajonin autonom të Tibetit.
Ndryshe, të enjten Sekretari i Shtetit Mike Pompeo tha se konsullata e Hjustonit ishte një qendër për spiunazh dhe vjedhje të pronës intelektuale duke shtuar se 40 vjet “angazhimi i verbërt” me Kinën kishte dështuar: “Modeli i vjetër i angazhimit të verbër me Kinën thjesht nuk do të arrijë gjë. Nuk duhet ta vazhdojmë dhe nuk duhet t’i rikthehemi.”
Një zyrtar i Departamentit të Shtetit tha se Kina e ka bërë të qartë se dëshiron të jetë e para që zhvillon një vaksinë kundër koronavirusit dhe se vendimi për të mbyllur konsullatën kineze të Hjustonit përfshinte një komponent të spiunazhit mjekësor.
