Agjentja britanike: Dita e anëtarësimit të Finlandës dhe Suedisë në NATO, ditë e keqe për Putinin
Pas deklaratës së sotme të Finlandës për anëtarësimin në NATO, ish agjentja e shërbimit informativ të ushtrisë britanike dhe shefe e shërbimit informativ të kompanisë, McKenzie Intelligence Services, Louise Jones, tha se për ta kuptuar se sa e rëndësishme është kjo duhet të shikojmë historinë e NATO-s.
“Që ta kuptojmë se sa është e rëndësishme kjo lëvizje, duhet të shikojmë historinë e NATO-s. Kjo Aleancë është formuar pas Luftës së Dytë Botërore dhe fokusi primar ishte Gjermania, Franca, Britania e Madhe dhe, natyrisht, SHBA,” tha Jones duke shtuar: “Qëllimi kryesor ishte përballja me Bashkimin Sovjetik.”
Por, pas rënies së Bashkimit Sovjetik në fillim të viteve ’90-të, “shtetet baltike Estonia, Lituania dhe Letonia praktikisht menjëherë u paraqitën për anëtarësim në NATO”.
“Shtetet si Finlanda dhe Suedia, që ishin neutrale gjatë luftës së ftohtë, kanë vendosur të vazhdojnë me një politikë të tillë,” tha Jones duke shtuar se dita kur Suedia dhe Finlanda anëtarësohen në NATO “do të jetë një ditë e keqe për presidentin Putin”.
“Kjo vërtetë nuk është ajo që ai dëshironte. Neutraliteti i Suedisë dhe Finlandës ishin ideale për të sepse fokusohej në jug,” tha Jones duke shtuar: “Por, tani ka shumë pak gjëra që mund të korrigjoj. Kjo anije tani po lundron.”
Ndryshe, Finlanda e cila me dekada të tëra ka udhëhequr politikë neutrale, sot ka paralajmëruar se dëshiron të anëtarësohet në NATO, dhe atë në afat sa më të shkurt të mundshëm, që pasoi me reagimin e ashpër të Rusisë.
