Ajatollahu iranian: Kur themi “Vdekje Amerikës”, mendojmë për Presidentin Trump!

Iranianët do të gërthasin “Vdekje Amerikës” deri sa Washingtoni do të zbatoj politikën armiqësore, tha lideri suprem iranian, Ajatollah Ali Khamenei, duke shtuar se kjo thirrje i drejtohet Presidentit Donald Trump dhe krerëve amerikanë, dhe jo popullit amerikanë.

“Deri sa Amerika të jetë e keqe, kombi iranian nuk do të heqë dorë nga thirrja ‘Vdekje Amerikës’” tha Khamenei para oficervë të Forcave Ajrore të Iranit me rastin e 40 vjetorit të revolucionit islamik iranian.

Ndryshe, pas politikës destruktive të Ajatollah Khameneit dhe refuzimit për të vënë nën kontroll arsenalin dhe prodhimin e armëve bërthamore, Presidenti Trump është tërhequr nga marrëveshja bërthamore e cila ishte arritur në vitin 2015 dhe i ka vendosur sanksione Teheranit, duke i dhënë kështu një goditje të fortë ekonomisë së këtij vendi e cila sot po kalon ditët e saj më të vështira. Dhe, Khamenei sërish nuk reflekton por akuzon dhe kërcënon.