Aksident i rëndë, 7 të plagosur, 3 prej tyre fëmijë

Një aksident i rëndë ka ndodhur në aksin rrugorë  Lushnje-Berat, ku si pasojë e përplasjes së dy makina kanë mbetur shtatë të plagosur, tre prej të cilëve fëmijë.

“Sot rreth orës 19:50, në rrugën Lushnje-Berat, në vendin e quajtur “Fiershegan”, është përplasur automjeti tip “Benz“, me drejtues shtetasin F.M, me automjetin tip “Toyota“, me drejtues shtetasin A.P.

Si pasojë e përplasjes kanë mbetur të dëmtuar shtetasi F.M dhe pasagjeri në automjetin tip “Benz”, shtetasi I.Q si edhe shtetasi A.P dhe pasagjerët në mjetin tip “Toyota” shtetasja A.P dhe 3 fëmijë të mitur 5, 7 dhe 13 vjeç,” njofton policia duke shtuar se të plagosurit ndodhen në Spitalin e Lushnjes nën kujdesin e personelit mjekësor.

Grupi hetimor ndodhet në vendngjarje dhe po punon për zbardhjen e shkakut të këtij aksidenti.