Aksident i rëndë, dy të rinjë humbin jetën tek “Ura e Dajçit”. Ja emrat…

Orët e para të 22 gushtit ishin fatale për dy të rinjë të moshës 32 dhe 25 vjeç ndërsa po udhëtonin në aksin rrugor Shkodër – Lezhë.

Ngjarja e rëndë ka ndodhur rreth orës 01:40 minuta, ku sipas policisë, në vendin e quajtur “Ura e Dajçit”, mjeti tip “Benz” me targa AA 929 FF me drejtues shtetasin G.T. 32 vjeç, ka goditur nga mbrapa mjetin tip “IFA” me targa LE 3364 A me drejtues shtetasin E.B. 19 vjeç.

Për pasojë kanë humbur jetën drejtuesi i mjetit “Benz” shtetasi G.T. dhe pasagjeri po në këtë mjet shtetasi R.E. 25 vjeç.

Hetimet për zbardhjen e plotë të shkaqeve të aksidentit vazhdojnë.

Ja njoftimi i policisë:

“Më datë 22.08.2018, rreth orës 01:40, në supërstradën Lezhë – Shkodër, në vendin e quajtur “Ura e Dajçit”, është marrë njoftim se ka ndodhur një aksident automobilistik, ku mjeti tip “Benz” me targa AA 929 FF me drejtues shtetasin G.T. 32 vjeç, banues në Mabë – Lezhë, ka goditur nga mbrapa mjetin tip “IFA” me targa LE 3364 A me drejtues shtetasin E.B. 19 vjeç, banues në Lezhë.Për pasojë kanë humbur jetën drejtuesi i mjetit “Benz” shtetasi G.T. dhe pasagjeri po në këtë mjet shtetasi R.E. 25 vjeç, banues në Mabë – Lezhë”

Grupi hetimor nën drejtimin e  Prokurorisë së Rrethit Gjyqësor Lezhë, vazhdojnë hetimet për zbardhjen e plotë të shkaqeve të aksidentit