Aksident i rëndë/ Elbasan-Peqin, një grua humb jetën, tre të plagosur

Përgjaket mëngjesi i sotëm, në aksin rrugor Elbasan-Peqin. Nga përplasja e dy makinave, ka humbur jetën një grua dhe janë plagosur tre të tjerë.

Sipas policisë, ka ndërruar jetë shtetasja G.I.,43 vjeçe, banuese në Kuçovë.

Shkak i aksidentit mësohet të jenë bërë reshjet e dendura të shiut të cilat kanë nisur gjatë orëve të para të mëngjesit.

Informacion paraprak

Në aksin rrugor Elbasan- Peqin, në fshatin Murras mjeti tip ” Skoda”, me drejtues shtetasin A.I.,rreth 45 vjeç, banues në Kuçovë, Berat është përplasur me mjetin tip “Skoda” me drejtues shtetasin N.H., si dhe me mjetin tip “Benz” me drejtues shtetasin R.B., banues në Maqedonin e Veriut.

Si pasojë e aksidentit ka ndërruar jetë shtetasja G.I.,43 vjeçe, banuese në Kuçovë, Berat e cila ishte pasagjere në mjetin tip “Skoda”, si dhe janë plagosur të tre drejtuesit e mjeteve,jashtë rrezikut për jetën.

Grupi hetimor ndodhet në vendngjarje dhe po punon për zbardhjen e shkakut të aksidentit.