Aksident i rëndë, humbin jetën tre të rinjë

Tre të rinjë kanë humbur jetën nga një aksident trafiku në fshatin Duhël të Suharekës.

Lajmin për RFE e ka konfirmuar, Zëdhënës i Policisë së Kosovës për rajonin e Prizrenit, Vesel Gashi.

“Sot rreth orës 12:30 në magjistralen Duhël-Shtime, ka ndodhur një aksident i rëndë trafiku. Si pasojë e këtij aksidenti kemi tri viktima që kanë humbur jetën,” tha Gashi duke shtuar se në këtë aksident janë përfshirë një automjet i udhëtarëve, një kamion dhe një kamionetë.

Mësohet se viktimat janë të moshës prej 20 deri 23 vjeç, ndërkaq, kryetari i Komunës së Suharekës, Bali Muharremaj, i cili ka dalë në vendin e ngjarjes, thekson se në këtë aksident kanë mbetur edhe dy të lënduar.