Aksident i rëndë në aksin Fushë Krujë-Milot, një i vdekur dhe dy të plagosur

Një aksident i rëndë ka ndodhur mesditën e sotme në autostradën Fushë Krujë-Milot, ku si pasojë  e aksidentit një grua ka humbur jetën dhe dy persona të tjerë janë plagosur rëndë.

Sipas policisë, ngjarja ndodhi në orën 11:10, në aksin rrugor Thumanë–Krujë, ku janë përfshirë një mjet tip “Trajler” me një mjet tip “Opel” dhe për pasojë ka ndërruar jetë një shtetase rreth 40 vjeçe (ende e paidentifikuar pasagjere në mjetin tip “Opel”) dhe janë lënduar 2 shtetas, të cilët janë dërguar në spital.

Drejtuesi i mjetit tip “Trajler” është shoqëruar në ambientet e Policisë për veprime të mëtejshme, raporton BW, ndërkohë Grupi hetimor ndodhet në vendngjarje dhe po punon për zbardhjen e ngjarjes.