Aksident i rëndë në Klinë, 7 të lënduar, 4 në gjendje të rëndë

Shtatë persona janë lënduar si pasojë e aksidentit që ka ndodhur mesditën e sotme në fshatin Dollc të Klinës, 4 prej të cilëve janë në gjendje të rëndë.

“Sot rreth orës 12:19 Policia është njoftuar për një aksident në fshatin Dollc. Në aksident kanë qenë të përfshira dy automjete, një kombi dhe një veturë. Si pasojë e aksidentit, automjetet janë përfshirë nga zjarri,” tha zëdhënësi i Policisë për rajonin e Pejës, Fadil Gashi, duke shtuar:

“Si pasojë e aksidentit, shtatë persona kanë marrë lëndime trupore. Katër nga ta kanë lëndime më të rënda dhe janë dërguar në Emergjencën e Spitalit Rajonal të Pejës, ndërkaq tre të tjerët me lëndime më të lehta janë dërguar në Qendrën e Mjekësisë Familjare në Klinë.”