Aksident i rëndë në qendër të Tiranës, 3 të plagosur

Goditja e autobusit urban të një automjet nga pas u shoqërua me goditjen e shtatë makinave tjera në aksidentin e rëndë i cili ndodhi në qendër të Tiranës, tek Shallvaret, dhe ku mbetën të plagosur tre persona.

Tre personat e plagosur rëndë kanë përfunduar në Spitalin e Traumës ndërsa ata me plagë të lehta kanë marrë ndihmën e parë mjekësore në vendin e ngjarjes dhe janë larguar në shtëpitë e tyre.

Mësohet se dëmet materiale janë të konsiderueshme ndërsa duke iu referuar hetimeve paraprake, ka dyshime se aksidenti ka ndodhur sapo autobusi ka tentuar që të hyjë në korsinë tjetër, dhe për pasojë një automjet i ka prerë rrugën. Pas këtij veprimi, ka ndodhur edhe përplasja e madhe mes disa mjeteve.

Noftimi i Policië

Më datë 27.02.2023, rreth orës 11:35, në vendin e quajtur Ura e Tajvanit, një autobus i linjës së Unazës është përplasur me disa automjete.

Si pasojë janë dëmtuar 3 shtetas të cilët ndodhen nën kujdesin e mjekëve.

Në vendngjarje ndodhen shërbimet e ambulancës me stafin mjekësor dhe shërbimet e Policisë.