Aksident i rëndë në Rrugën e Kombit, humbin jetën dy persona

Një aksident i rëndë ka ndodhur pak para mesnate, në Rrugën e Kombit, me pasojë humbjen e dy jetëve.

Mjeti tip Benz ka dalë nga rruga dhe për pasojë ka ndërruar jetë, 50-vjeçari Afrim Kolgjini që drejtonte mjetin dhe 35-vjeçari që ishte pasagjer, Festim Gjeta, që të dy nga fshati Lusën, Njësia Administrative Ujmisht, Kukës.

Grupi hetimor po punon për zbardhjen e rrethanave të aksidentit.

Njoftimi i policisë:

Rreth orës 23:35, të datës 01.04.2025, në autostradën Milot-Morinë, automjeti tip “Benz” ”, i drejtuar nga shtetasi A.K., 50 vjeç, banues në Tiranë, ka dalë nga rruga.

Si pasojë ka humbur jetën drejtuesi i automjetit si dhe pasagjeri që ndodhej në automjet, shtetasi F.Gj., 35 vjeç, banues në Kukës.