Aksident i rëndë në Shkodër, një i vdekur dhe tre të plagosur

Një i vdekur dhe dy të plagosur është epilogu i aksidentit të rëndë i cili ndodhi sot në aksin rrugor Shkodër- Bushat, ku një kamion u përplas me dy makina.

Mësohet se një kamion është përplasur me një makinë në kryqëzimin e Kryebushatit paraditen e sotme, dhe më pas me një makinë tjetër. Nga aksidenti mbetën të plagosur rëndë 4 persona, të cilët u dërguan drejt spitalit të Shkodrës, por njëri prej tyre nuk i mbijetoi plagëve.

Tre të plagosurit e tjerë po marrin mjekim në spitalin e Shkodrës dhe aktualisht, sipas policisë, janë jashtë rrezikut për jetën.

Policia po heton shkaqet e aksidentit ndërkohë është rënduar trafiku në këtë aks për shkak të bllokimit të rrugës.

Njoftimi i policisë:

Shkodër/Informacion paraprak

Rreth orës 12:10, në aksin rrugor “Shkodër-Lezhë”, kamioni me drejtues shtetasin H. Sh. është përplasur me automjetin me drejtues shtetasin A. L. dhe më pas me automjetin me drejtuese shtetasen A. H.

Si pasojë e aksidentit ka humbur jetën një shtetas ende i paidentifikuar dhe janë dëmtuar 3 shtetas, të cilët janë në kujdesin e mjekëve, jashtë rrezikut për jetën.

Grupi hetimor vijon punën për zbardhjen e rrethanave të aksidentit.