Aksident i rëndë, një i vdekur dhe 16 të lënduar

Sot rreth orës 13:20 minuta, në Gjilan ka ndodhur një aksident i rëndë
ku janë përfshirë mbi 10 automjete, një person ka humbur jetën dhe 16 të tjerë janë plagosur

Mësohet se aksidenti ka ndodhur për shkak të problemeve teknike të një kamioni i cili ishte edhe shkaktar i këtij aksidenti tragjik.

Prokurori në Prokurorinë Themelore në Gjilan, menjëherë ka dalë në vendin e ngjarjes dhe ka urdhëruar policinë që drejtuesi i automjetit transportues, tani i dyshuari M.A., nga Peja, të ndalohet për 48 orë.

Nga ky aksident trafiku ku janë përfshirë mbi 10 automjete, dhe përveç dëmeve të mëdha materiale, një person ka ndërruar jetë, ndërsa 16 të tjerë kanë pësuar lëndime trupore, mësohet se dy nga të lënduarit janë në gjendje të rëndë dhe janë transferuar në QKUK, në Prishtinë.