Aksident i rëndë Tiranë-Fushë Krujë/ Autobusi përplaset me makinë, një i vdekur e 6 të plagosur

Një autobus është përplasur me një makinë  mbrëmjen e sotme ku për pasojë ka mbetur i vdekur një person ndërsa gjashtë janë plagosur. Aksidenti ka ndodhur në aksin Tiranë-Fushë Krujë, në Tapizë ndërkohë policia ka dhënë dhe detajet e para:

“Viktimë ka mbetur një 59-vjeçar me inicialet F.Xh, i cili ishte drejtuesi i automjetit tip “Volkswagen”, që u përplas me autobusin. Personat e plagosur janë dërguar në spital, ku ndodhen jashtë rrezikut për jetën.”

Dyshohet se shkak i aksidenti është bërë ndërprerja e gabuar e rrugës nga një prej automjeteve.

Njoftimi i policisë:

Durrës/Informacion paraprak

Më datë 01.03.2020, rreth orës 17:30, në aksin rrugor Tiranë-Fushë Krujë, në Tapizë, janë përplasur mjeti tip “Benz”  me një mjet tip “Volkswagen” me drejtues shtetasin F.Xh.,59 vjeç, i cili për pasojë ka ndërruar jetë.  Po si pasojë e përplasjes   janë dëmtuar  dhe 6 pasagjerë të tjerë të  autoveturës dhe autobuzit, të cilët janë dërguar në spital nën kujdesin e mjekëve jashtë rrezikut për jetën.

Grupi hetimor ndodhet në vendngjarje dhe po punon zbardhjen e shkakut të aksidentit.