Aksident i rëndë, trajleri shtyp për vdekje punonjësen në Portin e Durrësit!

Aksident i rëndë në Portin e Durrësit. Ngjarja ka ndodhur në hyrje të portit, përballë zyrave të autoritetit portual, kur një trajler ka shtypur një punonjëse të portit, konkretisht shtetasen A.H. 25 vjeç.

Mësohet se viktima ishte punonjëse e sigurisë së Portit, ndërsa thuhet se kamioni e ka tërhequr zvarrë rreth 30 m.

Grupi hetimor ndodhet në vendngjarje dhe po punon për zbardhjen e rrethanave të ngjarjes.

Njoftimi i Policisë

Më datë 07.01.2021, në orën 15:30, në lagjen nr.3, Durrës, në ambientet e portit, shtetasi F. K., 39 vjeç, duke drejtuar mjetin tip “Man”, trajler, ka aksidentuar shtetasen A. H., 25 vjeçe, e cila për pasojë ka ndërruar jetë.

Drejtuesi i mjetit është shoqëruar në ambientet e Policisë për veprime të mëtejshme.

Grupi hetimor ndodhet në vendngjarje dhe po punon për zbardhjen e rrethanave të ngjarjes.