Aksident tragjik më Kroaci, 12 të vdekur dhe 32 të plagosur – 18 në gjendje të rëndë!

Mëngjesi i sotëm sërish ka përgjakur autostradën e Kroacisë. Sot rreth orës 5:40 pësoi një autobus polak në autostradën A4 në drejtim të Zagrebit, ku humbën jetën 12 persona dhe 32 u plagosën, 18 prej të cilëve në gjendje të rëndë.

Pronari i kompanisë transportuese Megapol, Jacek Antoszkiewicz, e konfirmoi për Radio Płońsk ishte autobusi i tij ai i cili pësoi aksident ndërsa për Business Insider Polska e hodhi poshtë mundësinë ti ketë zënë gjumi shoferët, pasi, siç tha, bëhet fjalë për shoferë me përvojë.

“Kjo është tragjedi, e paparë, jam i shokuar, nuk mund t’ju them tani asgjë,” tha ai money.pl duke siguruar se gjithçka ishte e organziuar mirë. “Ju garantoj. Shoferët me siguri nuk mund të ishin të lodhur, dhe dyshoj se kanë fjetur në timon,” tha Antoszkiewicz.

Kjo u vërtetua shumë shpejtë pas pamjeve që dolën në mediat kroate ku shihet pak kilometra para tragjedisë se autobusi lëviz normalisht dhe nuk ka asgj të dyshimt.

Në analizën e pamjeve nga kamerat mbikqyrëse të Autostradës A4 nga kryqëzimi Brezniçki Hum, 7 minuta para se autobusi të dal nga rruga, nuk konfirmohet ndonjë lëvizje e çuditshme e autobusit nga i cili humbën jetën 12 persona. 

Viktimat e kësaj tragjedie sipas Agjencisë polake të lajmeve, PAP, e cila i referohet ministrisë së Jashtme, ishin polakë që ishin nisur në pelegrinazh, në vendin e shenjtë Megjugorje në Kroaci.

Ndërkohë mediat polake informojnë se në mesin e 42 pasagjerëve ishin, 3 priftërinjë dhe 6 murgesha.