Aksident tragjik në Borsh, dy të vdekur dhe dy të plagosur

Sot rreth orës 14:15 në aksin rrugor Borsh – Plazh mjeti tip furgon Benz Vito me targa AA 052 NV është përplasur me mjetin Foristradë Benz me targa AB 637 CX.

Si pasojë, ka gjetur vdekjen në vend drejtuesi i furgonit, Kujtim Mehmeti, 60 vjeç, së bashku me bashkëshorten 55 vjeç.

Drejtuesi i foristradës shtetasi Myfit Qejvani dhe pasagjeri janë transportuar me ambulancë për ndihmë mjekësore në Spitalin e Sarandës.

Në vendngjarje ndodhen forca te shumta policie dhe ekipe mjekësore, të cilat po punojnë për zbardhjen e rrethanave të aksidentit dhe ofrimin e ndihmës për të plagosurit..