Aksidenti, humb jetën 24 vjeçari

Një shtetas ka humbur jetën si pasojë e një aksidenti që ka ndodhur në fshatin Zhym të Lushnjes. Një makinë ka dalë nga rruga e për pasojë, shoferi 24-vjeçar ka gjetur vdekjen pas përmbysjes.

I riu me inicialet V.H, është banor i fshatit Halilaj.Një person tjetër që udhëtonte me të është plagosur. Ai është 28 vjeç, L.P., banor i fshatit Pirrë.

Ngjarja ka ndodhur pas orës 2 të natës. Policia ka nisur hetimet për shkakun e aksidentit.