Aksidenti i rëndë te Rrethrrotullimi i TEG-ut, zbardhen shkaqet dhe identiteti i vikitmave

Pas aksidentit të rëndë të mbrëmjes së të enjtes te rrethotullimi i TEG-ut, janë zbardhur shkaqet e aksidentit dhe identiteti i 3 viktimave që pësuan në këtë tragjedi.

Përveç shoferit të Audit Q8, Klevis Ruçaj, 20 vjeç, nga Fieri, në këtë aksident kanë humbur jetën dhe pasagjeret në këtë makinë, Eriselda Abedini, 22 vjeçe dhe Sikela Përroi, 23 vjece, të dyja banuese në Tiranë, raporton BW.

Nga hetimi paraprak ka rezultuar se mjeti “Audi” lëvizte me shpejtësi mbi 260 km/h.

Nga këqyrja e vendit të ngjarjes nga grupi hetimor në rrugen që ka pershkuar 20-vjeçari që vinte nga unaza lindore pra nga Farka drejt rrethotullimit i TEG-ut, duket që nuk ka frenim të fortë.

Ndërkohë mësohet se i riu që e drejtonte ishte pajisur me leje drejtimi në vitin 2021, pra në moshën 18-vjeçare dhe kishte marrë disa herë masa administrative nga policia.

Drejtuesi i automjetit me targe AB 008 MJ, shtetasi Klevis Ruçaj, i pajisur me leje drejtimi te kategorise “B”, rezulton se eshte ndeshkuar nga sherbimet e policise rrugore 5 here per shkelje te rregullave te qarkullimit rrugor, raporton BW, më konkretisht:

• Ne daten 06.09.2022, per parkalim te gabuar.

• Ne daten 07.09.2022, per shkelje te sinjalizimit rrugor.

• Ne daten 15.11.2022, per mos rregullim shpejtesie ne qendrat e banuara (gare shpejtesie).

• Ne daten 09.12.2022, per perdorim celulari.

• Ne daten 27.01.2023, per shkelje te sinjalizimit rrugor dhe i pa pajisur me siguracionin e detyrueshem te mjetot motorrik.