Aksidenti tragjik, humb jetën vëllai i Kryetarit të PD në Librazhd

Një aksident i rëndë i cili ndodhi në Pishkash, në aksin Librazhd-Qafë Thanë, la të vdekur një person ndërsa tre të tjerë të plagosur.

Mësohet se viktima Ardian Vreto është vëllai i kreut të PD Dega Librazhd, Bujar Vreto dhe ish-punonjës i policisë së Librazhdit.

Sipas policisë janë përplasur mjetet tip “Benz” me mjetin tip “Ford”. Si pasojë drejtuesi i mjetit “Ford”, shtetasi A.V., rreth 45 vjeç, ka ndëruar jetë në Spitalin e Librazhdit.

Tragjedia bëhet edhe më e rëndë pasi Abc News mëson se Ardian Vreto ka mbërritur i gjallë në spitalin e Prrenjasit, por aty nuk kishte energji elektrike.

Menjëherë nga Prrenjasi, të plagosurit nisen me ambulancë për në Spitalin e Librazhdit, por rrugës situata e 45 vjeçarit Ardian Vreto përkeqësohet, nisur dhe nga sorollatjet disa minutëshe.

Policia doli në vendin e ngjarjes dhe është duke punuar për zbardhjen e shkaqeve të aksidentit.

Informacion paraprak

Në aksin rrugor Librazhd- Qafë Thanë,  në fshatin Pishkash, janë përplasur mjetet tip “Benz” me mjetin tip “Ford”,. Si pasojë  drejtuesi i mjetit “Ford”, shtetasi A.V., rreth 45 vjeç, ka ndëruar jetë në Spitalin e Librazhdit.

Grupi hetimor ndodhet në vendngjarje dhe po punon për zbardhjen e shkakut të aksidentit.