Aksidenti tragjik në Elbasan, identifikohet viktima/ Policia jep detaje

Policia e Elbasanit ka identifikuar shtetasin që humbi jetën si pasojë e një aksidenti tragjik në Elbasan, në orët e para të mëngjesit të sotëm.

Sipas policisë, viktima është 24 vjeçari, Klodian Korançe, 24 vjeç, banor i Elbasanit.

Policia e Elbasanit njoftoi se se më datë 28 maj 2018, rreth orës 01:50, në aksin rrugor Elbasan – Metalurgji, mjeti tip Benz me targa AA 325 EG, me drejtues shtetasin Klodian Korançe, banues në lagjen Skënderbej Elbasan, paraprakisht dyshohet se ka humbur kontrollin e mjetit, duke u përplasur me rrethimin e një servisi në anë të rrugës.

Si pasojë e përplasjes, mjeti ka shpërthyer ku ka gjetur vdekjen drejtuesi i mjetit Klodian Korançe, 24 vjeç.

Grupi hetimor po vijon veprimet në vendngjarje ku pritet të mbërrijnë ekspertë të specializuar për zbardhjen e plotë të rrethanave të ngjarjes di dhe për përcaktimin  e saktë të shkakut të daljes nga rruga dhe të përshtimit të automjetit.