Aksidentohet Albin Kurti, makina e tij përplaset me atë të policisë në Tiranë
Rrugëtimi i Albin Kurtit drejt Tiranës në festën e Lëvzijes Vetëvendosje, për fitoren në zgjedhjet parlamentare të 6 Tetorit në Kosovë, u ndërpre për pak çaste në rrugën e Rinasit kur makina e tij u përplas me atë të policisë.
Sipas policisë, makina me të cilën udhëtonte Albin Kurti, është përplasur me një nga automjetet e policisë, por pa lëndime serioze.
Ndërkohë Zëdhënësi i Lëvizjes Vetëvendosje, Arlind Manxhuka, përmes një postimi në rrjetin social Facebook ka sqaruar se makina me të cilën po udhëtonte Albin Kurti është përplasur me një nga automjetet e policisë.
“Sonte makina e Kryetarit të Lëvizjes Albin Kurti u aksidentua në një ndeshje zinxhirore të lehtë në Shqipëri kur po shkonte për te festa e fitores në Tiranë. Gjithçka është në rregull dhe asnjë njeri nuk është i lënduar. Aktivitetet vazhduan sipas axhendës dhe nuk ka vend për asnjë shqetësim”.
Për fat të mirë, përveç dëmeve materiale nuk ka pasur të lënduar dhe Albin Kurti me bashkëpunëtorët e tij ka vazhduar rrugëtimin drejt Tiranës ku po merr pjesë në festën e Lëvizjes Vetëvendosje.
