Aksion policor në disa qytete të Kosovës

Që nga orët e para të mëngjesit, njësitë e ndryshme të Policisë së Kosovës janë duke zhvilluar një aksion të madh në disa qytete të Kosovës.

Lajmin për RFE e ka konfirmuar, Bajram Krasniqi, nga zyra për Informim në Policinë e Kosovës.

“Aksioni ka filluar shumë herët. Ky aksion i madh është duke u zhvilluar në disa qytete, por nuk mund të them në cilat qytete saktësisht,” tha shkurt Bajram Krasniqi duke mos dhënë arsyet e këtij aksioni.

Gjatë ditës, thah Bajram Krasniqi, Policia e Kosovës do të njoftojë për detaje të tjera të këtij operacioni, në të cilin janë të përfshirë qindra policë.