Aksion policor në Ministrinë e Bujqësisë, këta janë personat e arrestuar

Policia e Kosovës, përkatësisht Departamenti i Krimeve të Rënda është duke zhvilluar një aksion policor në Ministrinë e Bujqësisë dhe në zyrat e kësaj ministrie në Prishtinë, Lipjan, Istog, Gjilan dhe Podujeve.

Deri më tani janë të arrestuar 12 zyrtarë të lartë të Ministrisë së Bujqësisë dhe që Policia e Kosovës ka filluar bastisjen e pronave e të arrestuarve.

Të arrestuarit deri më tani janë: H.M, K.Z, A.N, S.SH, L.S, S.S, D,A, B.N, P.K, SH.K, A.U, K.S.           

Gjatë bastisjes së sotme, janë konfiskuar disa dokumente dhe dy çanta me para.

Zëdhënësi i Policisë së Kosovës, Baki Kelani, tha se informacione shtesë rreth këtij aksioni do të jepen pas përfundimit të operacionit.

“Mund të konfirmojmë se, Policia e Kosovës është duke e realizuar një operacion policor në disa lokacione, në rajone të ndryshme. Informacione shtesë mund të jepen pas përfundimit të operacionit policor”, ka thënë Kelani.

Prokurori i Shtetit ka njoftuar se do të mbajë sot konferencë për media lidhur me aksionin i cili është duke u zhvilluar.

Pjesëmarrës në këtë konferencë do të jenë nga Prokurori i Shtetit dhe Policia e Kosovës.

Ndërkohë, mediat kandë identifikuar edhe personat e arrestuar:

-Hasan Maxharaj

-Kushtrim Zogaj

-Agim Nuha

-Sadat Shkodra

-Luan Statovci

-Salih Statovci

-Dritan Alaj

-Berat Nika

-Pajtim Krasniqi

-Shpejtim Krasniqi

-Adushe Ukshini

-Kastriote Bajrami Sejdiu