Akti i radhës, Edi Rama: Lulzim Basha, është koha e bashkimit konkret. Unë jam gati!

Pas uljes së pasgoditjeve të tërmeteve dhe përfundimit të operacioneve të kërkim-shpëtimit në zonat më të rrezikuara në Durrës dhe Thumanë, sapo u krijua një kaos në trajtimin e banorëve që i kanë mbijetuar tërmetit të 26 Nëntorit, Kryeministri Edi Rama i ka bërë thirrje partive opozitare dhe personalisht liderit të opozitës, Lulzim Basha, që të ulen, sipas tij, për shqiptarët dhe t’u japin mesazhin e qetësisë, durimit, sigurisë se askush nuk do të jetë vetëm në këtë luftë për mbijetesë.

“U bëj apel forcave opozitare të ulemi pa humbur kohë në tryezë për të dëgjuar idetë dhe propozimet e tyre konkrete. Në këto rrethana të jashtëzakonshme duhet mbiprodhim energjish pozitive për fatkeqët që kanë humbur gjithçka e mbarë popullin që meriton përkujdesje psikologjike,” thekson Edi Rama në thirrjen e tij drejtuar opozitës përmess rrjetit social Twitter duke shtuar:

“Për çdo gjë ka një kohë nën këtë qiell; një kohë me lind e një kohë me vdek; një kohë me i mledh e një kohë me i largu gurët; një kohë me rrëzu e një kohë me ngrit; një kohë me fitu e një kohë me hum; një kohë me u luftu e një kohë me u paqtu. Kjo është koha me u ftillu #PërNjerëzit”

Dhe, ndonëse apara tërmetit ai nuk ishte i gatshëm me u paqtu ai në këtë situatë të krijuar thotë se është gati madje i drejtohet edhe vetë liderit të opozitës:

“@lulzimbasha_al është koha e bashkimit konkret sepse vetëpërmbajtja në fjalor, sado e mirëseardhur është krejt e pamjaftueshme! Të ulemi për shqiptarët dhe t’u japim mesazhin e qetësisë, durimit, sigurisë se askush nuk do të jetë vetëm në këtë luftë për mbijetesë. Unë jam gati!”