Aktivisitët rus: Ushtria po rekruton nëpër burgje vullnetarë për luftë, premton lirinë

Burgjet ruse po rekrutojnë vullnetarë për të luftuar në Ukrainë, dhe si shpërblim marrin premtimin se do të lirohen, theksojnë aktivistët rus. 

Të dyshuarit dhe të burgosurit rekrutohen me premtimin se në shkëmbim do të fitojnë lirinë ose mbylljen e procesit, tha aktivistja ruse Olga Romanova, rezidente në Berlin, duke dhënë dhe raste konkrete nga burgu i Moskës. 

“Por mendoj se kjo ka filluar gjithandej nëpër Rusi,” tha Romanova, eksperte për të drejtat e të burgosurëve në atdheun e saj. 

Fakt është se Moska varet nga vullnetarët sepse mobilizimi i përgjithshëm për luftën në Ukrainë ende nuk është shpallur ndërkohë në shumë vende të Rusisë publikohen shpallje për pjesëmarrje në luftë, por ushtrisë ruse vazhdojnë ti mungojnë ushtarë, raporton Agjencia e lajmeve DPA.

Në sistemin e drejtësisë ruse gati të gjitha akuzat rezultojnë se janë gjykuar dhe kanë një vendim, që do të thotë se të dyshuarëve ju ofrohet vajtja në burg ose në luftë. 

Themeluesi i portalit Gulaga.net, projekt që për qëllim ka luftën kundër dhunës në burgjet ruse, konfirmoi se një fenomen i tillë është prezent në gjithë Rusinë. Dëshmi për praktika të tilla vijnë nga Sankt Peterburgu, Rjazanja, Tvera dhe Brijanska, tha Vladimir Oseçkin. 

Për rekrutimin e vullnetarëve në burgje nga muaji korrik raporton dhe media ruse Meduza e cila saktëson se këtë po e zbaton ushtria me pagesë Wagner. Të burgosurëve u ofrohet paga mujore prej 100 mijë rublave (rreth 1600 dollarë), aministia dhe në rast të vrasjes në luftë, pagesa për familjarët.