Akuza për pastrim parash/ Arrestohet biznesmeni, dy në kërkim…

Një person është arrestuar në Fier, dy janë shpallur dhe dy të tjerë janë lënë në masën detyrim paraqitje, pasi kishin krijuar një skemë për pastrimin e parave.

52-vjeçari Xhevahir Troka, nga Fieri është arrestuar, ndërsa Shpëtim Çilotaj dhe Vladimir Çilotaj janë kërkim. Agur Çilotaj dhe Jonida Çilotaj janë lënë në masën detyrim paraqitje.

Xhevair Troka kishte një pikë ‘Exchange’ në Fier dhe përdorte biznesin e tij për të pastruar para bashkë me 4 persona të tjerë. Burime nga Prokuroria e Fierit bëjnë me dije se nëpërmjet kryerjes së transaksioneve bëhej e mundur pastrimi i parave të pista, burimi i të cilave dyshohet se ka ardhur nga aktiviteti kriminal.

Xhevahir Troka ka pasur rolin e personit që kryente këto transaksione në bashkëpunim edhe me Shpëtim Çilotaj, Vladimir Çilotaj, Agur Çilotaj dhe Jonida Çilotaj. Report Tv ka siguruar pamjet nga pika e ‘Exchange’ që dyshohet se është përdorur për pastrimin e parave dhe kryerjen e transaksioneve.

Ndërsa Shpëtim Çilotaj rezulton biznesmen, pronar tregtimi dhe prodhimi materialesh ndërtimi dhe aktiviteteve të llojeve të ndryshme. Prokuroria e Fierit i ka mbajtur në përgjim këtë grup prej disa vitesh ku ata kanë kryer transaksione të shumta përgjatë kësaj periudhe kohore.

Prokuroria e Fierit thotë se po vijon hetimet e nisura nga viti 2010 për të zbuluar edhe personat e tjerë që ishin të përfshirë në rrjetin e pastrimit të parave, ndërsa gjykata ka vendosur masën sekuestro preventive ndaj pasurive personave të arrestuar dhe që po hetohen në gjendje të lirë. Akuza që është ngritur ndaj Xhevahir Trokës dhe 4 personave të tjerë është ajo e “pastrimit të prdoukteve të veprës penale apo veprimtarisë kriminale”.