Akuzat e Brahos/ Reagimi, Agron Tufa: Ja si na rrezikohet jeta nga neandertalët e komunizmit!

Pas akuzave të deputetit të PS-së, Spartak Braho, i cili kërkoi sot në Komision Parlamentar edhe shkarkimin e tij, reagon Drejtori i Institutit të Studimeve për Krimet dhe Pasojat e Komunizmit, Agron Tufa, pas kërcënimit që iu bë edhe publikisht atij dhe familjes së tij nga ai, siç e quajti Tufa, përfaqësues i i zi i Ish-Sigurimit të shtetit

“Miq të nderuar, dhuratën më të çmuar sot për ditlindje ma ka bëre direkt nga salla e Kuvendit bash perfaqësuesi i zi i ish Sigurimit të shtetit, deputeti Spartak Braho. Dëgjojeni dhe, ju lutem, shpërndajeni sa më gjerë ta dinë të gjithë, se si na rrezikohet jeta nga këta neandertalë të komunizmit!” thekson Agron Tufa në reagimin e tij përmes rrjetit social Facebook, pas akuzave të deputetit Spartak të PS, Braho.

Ndryshe, sot deputeti i Partisë Socialiste, Spartak Braho duke akuzuar Drejtorin e Institutit të Studimeve për Krimet dhe Pasojat e Komunizmit, Agron Tufa, zbulimin  e krimeve të komunizmit nga ky Institut e konsideron “nxirje të luftës, heronjëve dhe dëshmorëve” ndërsa vetë Institutin “seksion të Ballit Kombëtar”, ndërsa kërkon “shkarkimin e Agron Tufës derisa t’i thërrasë mendjes e të jetë më i ekuilibruar në veprimtarinë e tij.”