Akuzat vazhdojnë, Arben Kraja filon punë në krye të SPAK. Reflekton Gent Ibrahimi…
Ndërkohë që akuzat për kreun e zgjedhur të Strukturës së Posaçme Antikorrupsion dhe Krim i Organizuar, SPAK, Arben Kraja, vazhdojnë duke theksuar punën prej hetuesit të diktaturës komuniste që kishte kryer Kraja, sot ai nisi zyrtarisht punën ku u prezantua nga kreu i KLP, Gent Ibrahimi, i cili u pa se kishte reflektuar pasi u nuk i dha votën me rastin e zgjedhjes.
“Institucionet e reja të drejtësisë penale tani janë të krijuara dhe ne presim që dritat e skenës të zhvendosen aty ku duhet të jenë, te institucionet e reja të drejtësisë penale të cilat do të japin produktin për të cilin është bërë e gjithë reforma në drejtësi, për të cilën kemi punuar dhe ne si këshill gjatë gjithë këtij viti. Jam i lumtur që kemi SPAK-un, një akronim që njihet tashmë nga çdo shqiptar, ndoshta dhe fëmijët tashmë e kanë mësuar,” tha Gent Ibrahimi i cili edhe pse nuk i dha votën sot kishte reflektuar dhe ishte i lumtur që kishte rastin ta prezantoj Arben Krajën, si drejtuesin e parë të SPAK.
“Jam optimist që ky akronim do të marrë peshën e duhur në jetën institucionale të këtij vendi duke dhënë rezultatet të cilat të gjithë ne presim. Jam i lumtur të prezantoj sot zotin Kraja, drejtuesin e parë të SPAK. Është një moment historik për të gjithë ne. Zonjën Prela e falenderoj për të gjithë kontributin e dhënë gjatë dy viteve të fundit. Prokurorët e SPAK fillojnë sot detyrën. Kraja është në krye të detyrës dhe të gjithë mund të shkojmë të festojmë të qetë festat me vetëdijen se fillimviti do të jetë intensiv për të gjithë ne në frontet përkatëse të punës.”
Akuzat për hetuesin e diktaturës komuniste, Arben Kraja ngelen për tu konfirmuar por formimin e tij komunist ai e konfirmoi që me ligjërimin e parë pasi mori detyrën duke falënderuar edhe Gent Ibrahimin që nuk e votoi:
“Falenderoj të gjithë anëtarët e KLP për procesin transparent, korrekt dhe ligjor të 8 prokurorëve të SPAK dhe procesin e zgjedhjes së drejtuesit. I falenderoj ata që votuan për mua dhe ata që votuan për kandidatët e tjerë. Bashkë me zotin Dumani dhe Kondili do të bëjmë një skuadër shumë të fortë. Koha është për punë dhe jo për llafe. Kemi shumë punë për të bërë.”
Ndryshe, dje Prokurori i Prokurorisë së Përgjithshme, Arben Kraja, u zgjodhë në krye të SPAK me 6 vota sa mori në KLP, 4 vota arriti të marrë Altin Dumani ndërsa kandidati i tretë, Edvin Kondili mori vetëm votën e kryetarit të KLP, Gent Ibrahimi.
