Akuzohet për terrorizëm, Gjykata: Dejan Pantiç nga paraburgimi në arrest shtëpie

Ish-policit serb, Dejan Pantiç, që dyshohet për sulm me mjete shpërthyese ndaj Policisë së Kosovës dhe zyrave të Komisioneve Komunale Zgjedhore në veri. iu ka ndryshuar masa e paraburgimit në arrest shtëpie.

Lajmin e ka konfirmuar zëdhënësja e Gjykatës Themelore në Prishtinë, Mirlinda Gashi, në Beograd filloi festa ndërkohë befasoi Kryeministrin e Kosovës, Albin Kurt për faktin se ai akuzohet për terrorizëm.

“Me kërkesë të Prokurorisë Speciale të Republikës së Kosovës është bërë zëvendësimi i kësaj mase për Dejan Pantiç,” tha Mirlinda Gashi ndërkohë në mediat serbe ka folur i biri i Pantiqit, që meritat për këtë lirim ia ka atribuuar presidentit të Serbisë, Aleksandar Vuçiç.

Kryeministri i Kosovës, Albin Kurti, tha pas mbledhjes së Qeverisë, tha se nuk ishte në dijeni për procedurën gjyqësore nëpër të cilin po kalon Pantiçi, megjithatë, ai pyeti se cili prokuror do të miratonte një kërkesë për dërgimin në arrest shtëpiak, për një person, që sipas tij, “ka akuzë për terrorizëm”.

“Ajo çfarë unë kam dëgjuar është se meqenëse ishte në grevë të urisë dhe kishte probleme me zemër, do mund të dërgohej në spital, që është e kuptueshme. A është e arsyeshme, e vendos gjyqësore. Pra, është gjykatësi i procedurës paraprake me rastin e kërkesës së prokurorit,” tha Kurti duke përfunduar:

“Mirëpo, kur ke një akuzë për terrorizëm, të dërgohesh në arrest shtëpiak, unë jam shumë kureshtar të kuptoj se cili është ai prokuror që bën këtë kërkesë e cili është ai gjyqtar i procedurës paraprake që e aprovon.”

Dejan Pantiç u arrestua në fillim të këtij muaji, arrestim i cili, sipas kriminelit serb Aleksandar Vuçiç, nxiti serbët lokalë të ngritin barrikada në veri duke kërkuar lirimin e tij. Me kalimin e kohës, orekset serbe u rritën ndërsa Vuçiç e pranoi se ai i kishte urdhëruar barrikadat ndërsa shtoi kërkesat për largimin e tyre.