“Al Jazeera Balkans”: Haradinajt i refuzohet viza amerikane

Kryeministrit të Kosovës, Ramush Haradinajt, i është refuzuar viza amerikane, kështu që nuk do të mund të marrë pjesë në konferencën për Ballkanin në fillim të muajit shkurt.

Kështu ka bërë të ditur “Al Jazeera Balkans” nga burime brenda Departamentit të Shtetit duke saktësuar se kryeministri i Kosovës nuk ka marrë vizë për shkak të ngritjes së taksës për mallrat që importohen nga Serbia dhe Bosnja Hercegovina.

Po ashtu kjo medie thekson se, kryeministri Haradinaj nuk do të mund të marr pjesë në konferencën për Ballkanin, për të cilën kishte marrë ftesën kohë më parë dhe e cila do të zhvillohet më 6 shkurt .

“Kryeministri i Kosovës Ramush Haradinaj, nuk ka marrë vizë amerikane, kështu që nuk do të mund të marrë pjesë në punën e një konference për Ballkanin në fillim të shkurtit,” raporton “Al Jazeera Balkans”.

Ramush Haradinaj është dashur të marrë pjesë në këtë konferencë, ndërsa mos-shkuarja e tij i është konfirmuar “Al Jazeera Balkans” edhe nga organizatorët.